Занимлївий спортски викенд за нами

Футбалєри Гайдука успешно почали нову сезону у Сербскей лиги ґрупа Войводина. Куляни у премиєрним шампионатним стречаню, хторе одогране на стадиону „Милан Среданович“, победзели екипу Радничкого з Зренянина з 2:0. У першым полочасу гра одвивала ше главно медзи двома шеснаестерцами и нє було пребельо ситуацийох, котри обецовали гол, та же тото часци гра завершена без голох. Уже на початку другого часу Милан Матиевич з голом начал сїтку Радничкого, а у надополнєню часу Вукан Попович постигол други гол и обезпечел победу Гайдука. У другей колу шампионату у Сербскей лиги ґрупа Войводина футбалєри Гайдука пойду на гостованє к екипи Тиса до Адоряну. Снимок утриманя Гайдук – Раднички з Зренянина на КУ Телевизиї можеце позерац днесь вечар од 20 годзини.

Почало ше и першенство у Сомборскей подручној лиги, у котрей з нашej општини змацаю ше давнї прволигаш Червенка, и Русин з Русского Крстура и Липар.

У першым колї успишни були футболери Русина, котри у Руским Керестуре победели тим Борца з Обровца з 2:1. Стрелци за Русин були Дарко Сушич и Янко Кулич. Тренер Русина Златко Саянкович поведа, же задовольни зоз победу, алє його тим мог и мушел победиц висше, а на то були можлївосци. Инакше, Русин у прелазним року привел келько нових гравцох. Пришли искушни голман Кронич, та Сушич и Огнен Маркович. У тимох с прошлого року нєт Дукановича, котри престал грац, Ланџужанина, котри одпочива зарад ушкодзеня, а клуб опущели Даноєвич и голман Калинич.

Бивши прволигаш Црвенка у першім коле гостовал у Парагах, дзе го домашнї Будучносц победзела з 5:2, полчас 4:1. Же Црвенка у нєзавидней ситуациї, сведочи податок же у Парагах на голу стял гравец. Обидва голи за Црвенку дал Милан Суботич. Єден з вольного удара, а други з пеналу.

Футбалєри Липара у першым колу шампионату у Сомборскей подручней лиги гостовали у Силбашу, дзе їх домаци „Наша звезда“ победзел з 4:1. Почесни гол за Липар постигол Лука Живко. Тренер и гравец Липара Милан Шеган повел же дошла до вираженя физична нєприпремлєносц його гравцох, хтора є последица того же нє ходзели на тренинґи. У другей колу шампионату у Сомборскей подручней лиги Црвенка будзе у соботу дочекац екипу Будућносци з Гложана, Русин так само у соботу иде на гостованє к Борцу до Бачкого Грачца, а Липар будзе у нєдзелю на своїм терену гостиц екипу Кордуна з Кляичева.

Минули викенд у Сивцу одржани перши мемориялни баскетбалски турнир „За Бирса и Фарета“, котри Баскетбалски клуб „Сивац“ организовал на спомин своїх двох давнїх преминутих гравцох Бориса Джунисиєвича и Цветозара
Миросавлєва – Фарета. Учеснїки мемориялного турнира були кошаркаре Врбаса, Гайдука з Кули, Дунава з Апатина и Сивца. Турнир отворел председатель општини Кула Дамян Милянич, а свеченому отвореню присуствовали и Златко Болич, генерални секретар Кошаркарского союзу Сербиї, и Сава Райкович, председатель Кошаркарского союзу Войводини.

У суботу, перши дзень мемориялу „За Бориса и Фарета“, кощаркаре Сивца, пояцани за тоту пригоду Стефаном Крстаїчом, котри вирос у Сивцу, а тераз гра за „ФМП академию“ у Северней Македониї, победзели тим Врбаса з резултатом 99:73 и обезпечели собе место у финалу, а други финалиста тим Дунав з Апатина, котри победзел тим Гайдука з резултатом 58:50. У нєдзелю, другий турнирски дзень, у стречи за треце место кощаркаре Врбаса победзели тим Гайдука з резултатом 82:68, а у финалней стречи Сивац победзел тим Дунава з Апатина з резултатом 81:68, та так Сивчани здобули пехар за виграша першого мемориялного кощаркарского турнира „За Бориса и Фарета“. Титулу МВП – найпрешнєйшого и найкориснєйшого гравца турнира здобул Стефан Крстаїч.

Традицийни ноцни турнир у Липару, котри од тей роки ноши назву „Мемориял Ґоран Марчетић – Мачак“ на спомин на давного гравца Липара, входзи до завршнїци. Наиме, знати су троє полуфиналисти, док четверти будзе познати вечерас, кед ше у четвертфиналу стретаю дружтва „Етно лукс бет 365“ з Кули и „Миг Монт“ з Липара.

Полуфинални стречи липарского турнира буду одограни у пяток, а стретаю ше Арес ВНД з Кули и ММ Ґвождара тиж з Кули, док у другей полуфиналней стречи екипа „Лєтячий Голанђанин“ з Врбаса будзе грац проти победнїка днешнєй чвертфиналней стречи. Поведзме и то, же днешня чвертфинална стреч „Етно лукс бет 365“ – „Миг Монт“ ше зачина у 21 годзини.

Ђ.Боянич