Обелєжени дзень населєного места Нова Црвенка

Жительо Новей Црвенки и їх гости ославели День того населєного места. Попри Дня места, одначасно обелєжели и День сербского єдинства, свободи и националней застави. Програма зачала зоз зходзеньом гостий и домашнїх пред памятником у стредку валалу, а потим одржали панихиду и положели вєнци на Памятник солунским добровольцом, участником у войнох за ослободзенє од 1912. до 1918. року. Панихиду одслужел презвитер Радован Малькович, привременни парох црвенски, а вєнци положели делегациї Општини Кула, Месней заєднїци Нова Црвенка, Удруженя пензионерох Нова Црвенка, Удруженя потомкох солунских добровольцох Нова Црвенка и СУБНОР-а општини Кула. Програма потим одржана у Дому култури, дзе пририхтали прикладни културно-уметнїцки програм. Предсидателька Општини Кула, др Весна Томич, подчеркла же Нова Црвенка место вредних, упорних и добрих людзох, место котре чува свою традицию, а источно ма сили и охоти розвивац ше и поступовац, та же єй велике задовольство, же ма можлївосц поздравиц барз важни дзень и обрац ше гражданом того населєного места: „Днеска є велїки и значни дзень за Нову Црвенку, дзень кед ше чува традиция и памет на историю єдного места, места великих и храбрих бойовнїкох. Ту хасную можлївосц жадати шицким жительом Новей Црвенки од щирого серия честиц День места, у своє особне мено, алє и у мено Општини Кула. Особлїво ше радуєм, же днеска одначасно обелєжуєме и День сербского єдинства, свободи и националней застави. Так сполочно славиме вецей важних датумох, поштуєме традицию и хова́ме вредносци, котри нас споюю. Точно таке дни указую, же як заєднїца тримаме сполку у шицким – поштуєме розлики, хова́ме сполочносц и даваме опору так меншим, як и векшим местом на териториї општини Кула. Нова Црвенка є важна часц нашей општини, а єй гражданом жада́м ще много роки успиху, поступу, сполочносци и гордосци“. Фотогалерия