Занимлїви футбалски викенд за нами

Футбалєри Хайдука 1912 з Кули у третей тури першенства у Сербскей лиги ґрупа Войводина у Челареву победзели домашнїх ЧСК Пивару з 1:0 и так записали другу победу за шором. Вибраники тренера Драгана Ивановича були лепши, а свою лепшу гру закрунисали у самей завршници змаганя голом Александра Миликича. Хайдук 1912 на тоту chvilku треци на табели з 7 здобутими бодами, а у наступней тури пред своїма навиячами у Кули витакує дружство Динамо 1945 з Панчева.

Футбалєри Црвенки здобули перши бод у Войводянскей лиги. У третей колу першенства Црвенка гостовала у Врбасу, дзе з домашнїм ОФК Врбасом зограла нерешено 1:1. У першым полочасу Црвенка була лепша, творела нєшкацо одлични нагоди, котри нападнїки нє реализовали, и як то бува, наслїдовал трестунок. З практично єдиней осмисленей акциї у другим полочасу Врбас дошол до предносци. Но, Црвенчани ше нє змирели з поразом и голом Керекеша здобули бод. Црвенка є чтирнаста на табели з єдним бодом, а у штвартим колу першенства пред своїма навиячами витакує Младосц з Бачкого Петровца.

Третє коло пренства у Сомборскей окружней лиги означел општински дерби одограни у Руским Керестуре, алє и барз ефикасна гра фудбалєрох Кули. У општинским дербию у Руским Керестуре домаци Русин переконлїво победзел екипу Липара з 5:0. Вибрани тренера Ранка Делїча були у вшелїх елементох гри надмоцнєйши од екипи Липара, а победа могла буц и убедлївша. Двойни стрелєц за Русин бул искушни Срджан Джуканович, а медзи стрелцами були и Стефан Кочиш, Александр Чизмар и Огнєн Маркович. Футбалєри Кули на Гедеру декласовали екипу Борца з Обровца. Кула славела з 8:0, а герой переконлївой победи бул нападач Деян Давидович, котри, након того як Митрич дао водяци гол, аж седем разов матовал голмана Борца. Наш четверти представант у Сомборскей окружней лиги, футбалєри Полета, у Сивцу програли Славиї з Пивниц з 4:2, полчас 2:2. Голи за Полет дали Ромич и Маркович. По третйм колу Русин є треци на таблици з 7 бодами, Кула є седма, а Липар девети з по 4 бодом, док Полет є дванадцяти з 2 здобутими бодами. У насцедуюцим колу Липар дома принима Крила Країни, Русин иде на гостованє к екипи Будучносц у Параге, Полет гостує у Борцу у Обровцу, а Кула гостує у Бачкей Паланки, дзе ся стретне з лидером таблици, екипом Стари град.

Почало ше першенство и у Сомборскей медзиопштинскей лиги першого и другого ранґу. У першого кола першенства у Сомборскей медзиопштинскей лиги першого ранґу футбалери Младосци зо Крушчича на гостйованю у Деронєх програли од Омладинца зо 1:0. У другим колу Младост у Крушчичу привита Алексу Шантича.

У першом колє першенства у Сомборскей медзиопштинскей лиги други розред Кульски футболски клуб КФК мал гостйовац дружтву Спорта у Бездану. Куляни нє одпутовали на тоту шицку, котра будзе зареґистрована службеним резултатом 3:0 за дружтво Спорта, а КФК будзе потихани з минус бодом. У другим колє першенства КФК би мал дочекац ОФК Металац з Сомбора.

Любителє футбалю у Кули учера мали нагоду глєдац и суперлигашски футбол. Наиме, у 7. колу пренства Супер лиги Сербиї Спартак Ждрепчева крв учера у Кули победзел Динамо з Вранї з 2:0. Обидва голи за Суботичанох дал Марчич. Футбалєри Спартака Ждрепчевей крви насцедуюцу утримку у Кули одограю 15. септембра, кед буду гостиц екипу Напретка з Крушевца.

Ђ.Боянич