За нами є занимлївий спортски викенд, обелєжени виграшом рукометарох з Сивца

Последнє коло першенства у рукометней Супер Б лиги прошло у знаку рукометашох Сивца. У комшиєвским дербию, одограном у Црвенки, рукометашом Сивца ше подарело победиць домашнїх з резултатом 36:35, полчас 18:17 за Црвенку. Ослободзени од якогох колвек резултатних очековань, рукометаши Црвенки и Сивца ше трудзели указац црвенчанскей рукометней публики вше то красне, што краснї рукомет. Вецей уваги ше посвеци дзеяню в нападзеню як оборони, о чим свидочи и 71 забити гол. Што ше тиче самої стречи, нї єдна екипа нє вивела значнєйши предносц, а вецей нерви мали рукометаши Сивца, котри з голом Славулїци у самим завршеню стречи дошли до победзи. Найефективнїши у победнїцкей екипи Сивца бул Жегарац зо 9 голами и проглашени за гравера стречи, а у редох Црвенки Николич и Бошкович забили по 7 голи.

Першенску сезону у Супер Б лиги рукометаши Червенки окончили на седмим, а Сивца на осмим месце, зоз по 21 здобитим бодом.

Наслїдую футболски актуалносци

Футбалери Гайдука у стречи 28. кола першенства у Сербскей лиги група Войводина пред своїма навиячами победзели екипу Текстилца зоз Оджака зоз 2:1 и так задржали шанси же у остатнїх двох колох першенства можу здобуц останок медзи сербсколигашами. У першой половини, вератно зоз-за важносци стречи, футбалери Гайдука пропущели дви прекрасни шанси, кед найперше Радманович у 18. а потим и Матияшевич у 23. минуте виходзели самостойнє пред брамара Текстилца Браћа, алє нє дали голї и за промашаня пришла казна у 43. минуте, кед по центрошуту игрок Текстилца Сердар з ударом главу победзел брамара Гайдука Дринчича, та на одпочивок ше ишло зоз предносцу гостьох. На початку другої половини пенал за Гайдук, оправдано присудзени, бо пред браму Текстилца оборени Божович. Пенал виконав Влайсавлєвич и послал лопту покраї лївого стовпика. Вше тоти промашаня нє деморализовали екипу Гайдука, та Божович у 54. и Матияшевич у 67. минуте дали голї, котри Гайдукови донесли три точки.

Футболєри Гайдука су тераз тринацти на табели з 33 здобутих бодох, а у наступним колу идзу на гостованє к Фениксу до Старей Пазови. Снимок стречаня Гайдук – Тектилац у програму КУ Телевизиї можеце видзиц вечар од 20 годзини.

Полнї успих наших представнїкох у Сомборскей обласней лиги. У стречанюх 27. кола першенства футболєри Црвенки у суботу на своїм терену победзели дружину Будучносци з Младенова з 2:0. Мрежу госцох уж у штвертим минуту зачал центарфор Црвенки Йованович, а на други гол, котрим була потвердзена победа, чекало ше по 52. минуту, кед капитен Црвенки Милан Суботич бул прецизен. Убедлїву победу остварели футболєри Русина, котри у Руским Керестуре победзели дружину Будучносци з Парагох з 5:0. Розхасновани Сушич и Маркович дали по два, а млади Саянкович єден гол за Русин. Наш третї представнїк у Обласней лиги — Липар на своїм терену принял дружину Раднїцкого з Сомбора, котра була последня, и записал очекивану победу. Вислїд на концу бул 4:1 за Липар, а стрельци були Честич, Шеган, Марчетич и Мийич. По тим колу першенства Русин штвартим на табели з 52 бодами, Црвенка єнацта з 36, а Липар дванацти з 33 бодами. У наступним колу Црвенка идзе на гостованє к водзейшому Братству до Пригревици, Липар гостує ЖАК у Сомбору, а Русин идзе на мегдан дружини Будучносци до Гложана.

У 24. колу првенства у Сомборскей медзиопштинскей лиги перша класа футболери Кули на гостованю у Ридзici победзели екипу Граничара з 2:0 и так остали у гонї за поступом до вишого ранґу. Ґоли за Кулу у Ридзici дали Нємання Новаков и Марко Савич. Полет пред своїма навиячами у Сивцу програл БСК-у з Бачкого Брестовца з 4:2. Ґоли за Полет дали Перлич и шицений Фуртула. Найинтереснєйше було у Крушчичу дзе Младосц приняла кандидата за поступ до вишого ранґу, екипу Гайдука з Стапара. Стретнуце закончело нєпобедзено 4:4, а Крушчичани маю за чим жаловац, бо водзели и з 4:1, и лєм три минути реґуларней часци ище три минути додатого часу их дзелєли од победи. Але тих шейсц минути було доста храчу Гайдука, жеби дали три ґоли и здобули цєнни бод, котри их довол на перше место на таблици. Двойни стрелац за Младосц бул Гачевич, а по ґол дали Собек и Ґрдинич. Кула теперь треца на таблици з 45 бодами, два менєй од водецького Гайдука з Стапара, Полет шести на таблици з 35, а Младосц десета зо здобутих 25 бодами. В приходнїм колу Младосц у Крушчичу дочека Ґраничара з Ридзici, Кула идзе на гостованє к Динаму до Бачкого Бреґа, а Полет з Сивца у Стапару одмеря сили з Гайдуком.

Минути викенд означели и два тениски турнири, котри у суботу одржани у Кули. Први є „Отворене першенство Кули“, котре Тениски клуб „Гайдук“ орґанизовал за гравцох оранжового уровню, а иде о дзивочкох и хлопцох до 10 роки старосци. Тоти турнир є официялне змаганє, бо є уведзени до календара Войводинского тенисового союзу.

Што ше тиче резултатох, перше место у конкуренциї хлопцох здобул член Гайдука Давид Барна, друге здобул Бранислав Сладич, член Тенис клуба Тиса з Бечея, а треце место поделєли член Гайдука Новак Корач и Гунаратне Чаниру Савен, хлопец зо Шри Ланки, котри наступа за Тенис клуб Елит з Нового Саду. У конкуренциї дзивчатох перше место здобула Сара Христидис, членка новосадскей Войводини, а друге Даша Цветкович, членка Тенис клуба «СЛП».

Други тениски турнир, котри ше у суботу одржал у Кули, организовал Тениски клуб «Хелм», а иде о хуманитарним тениским турниру у конкуренциї дублох „Тенис з блока“, на котрим, попри активних тенисерох, могли участвоц и аматери и напредни рекреативци.

Учасцтвовало укупно 11 парох, а по заницкавих матчох перше место здобул дубл з Оџакох, котри творели АлександарТомас и Нико Мартинович, котри у финалу победзели врбаско-кульску комбинацию, котру творели Милош Лучич и Йожеф Барна. Треће место припало пару з Врбаса, котри творели Владимир харди и Борко Бугарски. Тот тениски турнир, як зме повели, бул хуманитарного характеру; з котизацийох и добровольних приношеньох зобрало ше трохи менєй од 80 тисяч динари, а зобрани средства даровани Хуманитарней организациї „Срби за Србе“, чийо основни цилї и задачи су залаганє за улучшанє условийох за живот и роботу србских фамилий у країнох, дзе живе србски народ и дзе помоц потримана.

Ђ.Боянич