За нами єще єден занимлїви спортски викенд

За нами єще єден занїмлївий спортски викенд, а обелєжали го победки рукометарох Црвенки и кошаркарох и кугларох Гайдука.За нами єще єден занїмлївий спортски викенд, а обелєжали го победки рукометарох Црвенки и кошаркарох и кугларох Гайдука.Рукометари Црвенки у 13. коле првенства у Супер Б лиги як домаци у Руским Крстуре победзели екипу Синђелича з Беоґрада з 28:27, гоч гости перше полувреме ришели у свою корист з 12:10. У першом полувремену хасновало ше грало гол за гол, алє од 20. до 26. минути екипа Синђелича успела направиц серию од 3:0, повесц 10:7 и пойсц на одпочинок з двома голами предносци. Таки, у другим полувремену, уж у 36. минути Црвенчани успели доскочиц ту предносц, а у 52. минути и повесц зо штири голи розлики (26:22), и здаванє же победнїк уж теди ришени. Таки, гости ше нє предавали, хасновали нєшкасторих хибох гравцох Црвенки и у последней минути мали и напад за изровнанє, нє хасновали го, та бодове остали на конту Црвенки. Найефективнїши у редох Црвенки бул Бошкович з 11 голами, а за гравца утакмици проглашени млади голман Црвенки Предраг Марянац.Наш другий суперлиґаш Сивац 69 у 13. коле пред своїма присталицами приймал екипу Смедерева и програл з 31:22, полувреме 14:10 за Смедерево. Пораз и нє треба же чудавац, кед ше ма пред очами кадрова ситуация у редох Сивчаньох. Проти Смедерева у екипи Сивца нє було поранєних Џабасана и Милана Шајина, потим Славуљици, Чабаи пресижел стречанє на клупи, нє було анї Фуртуле, Беслац грал лєм у оборонє. З другого боку, екипа Смедерева, охрабрена победу проти Кикинди, котра их приближела лидерови, знала хасновац вшытки тоти нєщесца, з котрима борел ше домаци, и славиц.Најефективнїши у редох Сивца бул Жегарац з 7 постигнутих голох. По тринадцец колах Црвенка є штварта на таблици з 16, а Сивац 69 є осми з 11 бодами. У наступним коле обидва наши суперлиґаши гостюю. Црвенка иде до Апатина, а Сивац 69 гостює у Колубари у Лазаревцу.У 13. коле првенства у Першей лиги за рукометарки обидви наши екипи були гостями и записали поразки. Црвенски „Лаки“ гостовал у Ядрану у Фекетичу, дзе бул поражени з 32:29, полувреме 15:11 за Ядран. През цали час рукометарки Ядрана контроловали игру и резултат, а победнїка одлучел штарт другого полувремена, кед за осем минут рукометарки Ядрана постигли осем, а Лаки лєм штири голи, та зо штирма голами предносци на полувремену предносц домацих зросла на осем голи, што було недостижне. Найефективнїша у екипи Лаки була Мария Ивич з 7 постигнутих голох. Наша друга прволиґашка, сивацка Круле, гостовала у ведущей Руми. Домаци оправдали улогу фаворита и победзели з 37:28, полувреме 18:15. Нєшто подобне, як и Лаки, случело ше сивацким рукометаркам, котри на полувремену мали лєм три голи менєй, алє у 41. минути Рума мала десец голи предносци – кед резултат бул 27:17. По тим Румлянки зо рутиновану игру довели стречанє до бажаного конца. Найефективнїша у екипи Круле була Александра Єленкович з 9 голами. Круле є моментално девята на таблици з 7, а Лаки є последня з 2 здобутих бодов. У наступним коле Круле у Сивцу прийма екипу Ядрана з Фекетича, а Лаки є домацином зренянскому Пролетеру.

Кошаркаре Гайдука зачали бой у плейофу у Першей реґионалней лиги Сербиї. У першім колу, пред своїма навиячами, победзели екипу Србобрану зо 92:80, полчас 55:39. Куляни у тим стреченю виступели без хворого Джуровича и поранєного Лєшевича, з повратнїком до тиму Мандичом. Лєм у першой штверцини кошаркаре Гайдука мали проблеми, бо тройки служели екипу Србобрану и тот дїл гри закончени нєрешено 25:25. Но, у другей штверцини з троха чврстшей обрану и плинєйшим нападом кошаркаре Гайдука загосподарели тереном и на одпочивок одошли зо плюс 16. Уж в тот час було ясне хто запише победу, а у другей половини були периоди кед кошаркаре Гайдука мали и вецей як 20 бодох преднощи. Найефективнєйши у редох Гайдука були Сувайджич зо 22 и капитан Шкрбич зо 18 здобутих бодох. Кошаркаре Гайдука тей час штверти на табели зо штири победами и трома поразками, а у наступним колу иду на гостованє до Старей Пазови, котра ма двоє побед и пейц поразки.

Минули викенд бул нєуспешни за Одбојкарски клуб Гайдук, бо и одбојкари и одбојкарки записали поразки. Одбојкари Гайдука у 16. колу першенства у Другей лиги гостовали у Равним Тополовцу, дзе одмерели сили зоз зренянинским Пролетером. На то гостованє Гайдук ишол зоз подмладзену поставу, без нєколїко стандартних искуснєйших првотимцох. Пролетер славел победу од 3:0, по сетох 25:14, 25:14 и 25:9. Одбојкари Гайдука тей час єданадцяти на табели зо 10 бодох, а у наступним колу иду на гостованє до водяцого на табели Партизану у Бачу.

Одбојкарки Гайдука у 12. колє пренства у Првей войводинскей лиги приняли дружину Гокс ин з Оджаки, котра нє мала анї єден здобути бод. Чековало ше победу одбојкаркох Гайдука, алє записали пораз од 3:1. Први сет виграли одбојкарки Гайдука з 25:17, алє потим наслідуюци три виграли Оджацанки, други и треци по 25:20, а штверти з 25:16, и так записали свою першу победу. Основатель Одбојкарского клуба Гайдук Милорад Лазич видвига же синоч на видло виплело то, чо «було гуране под килим», а то же ситуация у женскей дружини вишла з-под контролї. Без ясней идеи о тим, як и чого треба грац, без жадосци и мотивациї, а и без той потребней хемиї унутри самой дружини, допринєсли к тому же записали найтяжши пораз тей сезони. Лазич видвига же неопходни розгварки и з тренером, и з гравкиньоми, жебы побачели, чого змениц, жебы ствари ишли на лєпше. У дотерашнїм току сезони одбојкарки Гайдука маю здобути 3 бод, а у наслідуюцим колє идзу на гостованє до Бечею.

Ђ.Боянич