За нами є богатий спортски викенд, а у средку уваги були футбол, рукомет и тенис

Футбалери Гайдука у 6. колє првенства у Србскей лиги ґрупа Войводина на гостованю у Старей Пазови програли од Єдинства з 5:2, полочас 2:0. Подля словох шефа стручного штабу Гайдука Желка Рачича, була то вельо чудна утакмица. Куляни вельо добре зачали сусрет, алє предше дозволїли домацим забиц два лєгки голи и поведз з 2:0. У другей половини Єдинство стиже и до трьох голового предношества, потим ше досцига червена карта голманови Гайдука Дринчичови, а з менєй гравцами Куляни успиваю голами Милана Матиевича зменшиц на 3:2, потим реґаю шанси, трефяю стативу, а потим досцига пенал за домацих, з червену карту и резервному голманови Гайдука Головичови, та на гол става капітан Слободан Вукович, з чим ше домаци користя, забиваю два голи за конєчних 5:2. Гайдук ше у тим часе дванадцати на таблици з 7 здобутих бодох, а у наслядуюцим колє дочекує дружтво Борца з Сакула.

Шесто коло првенства у Сомборскей подручно-лїґи означел општински дерби одограни у Липаре, дзе ше зишли Липар и Русин з Русского Крстура. Домашнї одлично отворели змаганє, повели голом Деяна Давидовича, алє фудбалєром Русина ше подало виривнац, и зоз 1:1 ше ишло на одпочиванє. У другим полчасу дошло до вираженя квалитети екипи Русина и нєдостаточней физичней приправеносци Липара, гости даю три голи и побидзую зоз 4:1. Голмайстри за Русин у Липаре були Холик, Кулич, Саянкович и Сушич. Наш треци представител у Сомборскей подручно-лїґи, фудбалєри Црвенки, на своїм терену програли Борцу з Бачкого Грачаца зоз 3:1, полчас 1:1. Єдинши гол за Црвенку дал капетан Милан Суботич, евроголом зоз слободного ударца. Русин на тим моменту пети на таблици зоз 12 здобутих бодох, Црвенка штирнаеста зоз 3, а Липар петнаести з єдним бодом. У седмим колу првенства, насцедуюци викенд Русин у Руским Крстуре дочекує ЖАК зоз Сомбора, Црвенка идзе на гостйованє к Радничкому у Раткову, а Липар гостює у Борца у Обровцу.

Општински дерби одограни и у рамкох пейтого кола першенства у Сомборскей медзиопштинскей лиги перши клас, На Ґедеру фудбалери Кули победзели Младосц з Крушчича з 2:1, а же сце превельо намучели, кед дошли до планованих бодох, сведочи факт, же победни гол дали у додаточним часу. Ґоли за Кулу дали Ґачевич и Хусак, а гол за Младосц дал Хрнчар. До того кола нєпоражени Полет з Сивца гостовал у Свилоєву, а Сивчани у двобою з Тереквешом одходзели з терену з опущенима главами, бо програли з 2:1. Два стрели гравцох Тереквеша закончили у сивчанскей сити, а з чисних шанцох Полета лєм єдну Маркович превернул на гол. Кула є моментално друга на табели з 12 бодами, Полет шицти з 10, док Младосц дванаци з 4 здобутих бодох. У насамшім коле нас чека нове општинске дерби: у Сивцу зийду ше Полет и Кула, а Младосц у Крушчичу будзе гостїц екипу Динама з Бачкого Брега.

Почало рукометне першенство у Првей лиги Сербиї ґрупа Войводина, у котрей змаганю дви дружини з кулскей општини: рукометни клуби Лаки з Црвенки и Круле з Сивца. Жреб хцео, же обидви дружини у першім колу буду гостї у Руми. Дружина Лаки свой стреч з Руму одограла у пяток и програла го з 39:20, полчас 21:9. Кед ше ма на думе, же Лаки убедлїво наймлодша дружина у лиги, з лєм єдну гравкиньов котра 2005. рочнїк, док шицки остали ще младши, тада ани нє треба же чудавати такому убедлївому поразу. Найефикашнєйша у дружини Лаки була Мария Ивич з 6 голами. Сивацки женски рукометни клуб „Круле“ є новачок у прволигашком дружтве и на премиєрним стречу у Руми Круле забелєжил пораз у дуелу з Словеном. Домачин победзел з 30:23, полчас 14:10. Найефикашнєйши у дружини Круле були Милица Рабренович з 9 и Александра Єленкович з 8 постигнутих голів. У другім колу першенства Лаки у Црвенки дочека дружину Ядрана з Фекетича, а Круле у Сивцу приявє дружину Руми.

Тениски клуб „Гайдук“ минули викенд бул домацин Отвореного првенства Кули за тенисерох и тенисерки до 14 роки старосци. Идзе о турниру другей категориї котри є уврщени до календара Тениского союза Войводини. Свойо тениски способносци показало 20 хлопцох и осем дзивчат и по интересантних матчох победнїк у конкуренциї хлопцох є Вук Пантич Црнчевич, член Тениского клуба Академия Богдан Обрадович, а у конкуренциї дзивчат Верица Зрнич, членка Тениского клуба Спорт ленд Нови Сад. У финалним стретнуцу хлопцох Вук Пантич Црнчевич з 2:0 у сетох победзел Сергея Васича, члена Тениского клуба Войводина з Нового Сада, а Верица Зрнич, тиж з 2:0 у сетох победзела Инес Стоянович, членку Тениского клуба Спартак з Суботици. Интересантно спомнуц же победнїки Отвореного првенства Кули по шампионски пехар дошли без страценого сета. Спомнїме и то же у конкуренциї дзивчат треце место подзелєли Ваня Мирилович, членка Тениского клуба Елит з Нового Сада, и Тара Пранич, членка Тениского клуба „АНС“ Нови Сад, а у конкуренциї хлопцох треце место подзелєли Крсто Кривокапич, член Тениского клуба „Трик“ з Беоґрада, и Миня Живкович, член Тениского клуба „БМК“ з Нового Сада.

Ђ.Боянич