Влада усвоила штири програми финансийней помоци малим и штредним поднїятйом

Влада Сербиї на вчорашнїм засидованю схвалила шлїдуюци програми финансийскей подршки Министерства привреди малим и штреднїм подприємством, за котри одвоєни дви милиярди динари. Министeрка привреди Анґєлка Атанаскович обяшнює же ше цо до програми за набавку опреми, стимулиранє поднїмательства прейґ розвою розвойних проєктов, програми подршки за зачинаюце поднїманє и програми за молодых и жени поднїматеньки, за котри ше обявйованє явних позивох очекує на початку фебруара. По єй словох, найвец грошей, и то 1,55 милиярди динари, одвоєни за набавку опреми, з чого безповратна часц може чинїц 25 проценти средствох за тоту намену, 70 проценти достава ше од банки або лизинґового поднїма, а пейц проценти средствох обезпечує сама фирма. Явни позив за партнерски банки и лизинґови поднїма котри обезпечую софинансованє у тей програми очекує ше на початку фебруара, по чим буду обявени явни позиви за микро, мали и штреднї поднїма, поднїмательох и задруги за додзельованє безповратней помоци.

РТВ