Викенд у знаку рукометного дербија

Пред нами занимлївий спортски викенд, а у средку позорносци любителёх спорту будзе зостреченє 13. кола првенства рукометней Супер Б лиги, општински дерби, котре будзе одогране у Сивцу, дзе ше зостану Сивац 69 и Црвенка. Тренер Сивца Бранко Жежель истакує же очекує файну утакмицу, бо обидва дружтва ше находза у комфортабелней позиции на табели, та нє би малo буц напетосци. Сивчани маю кадровски проблеми, бо Калич ма натечене колїно, Марянович дисторзию чланка, Копаня натягнути мишици на бедре, а Беслача пару днї муча температура, алє то их нє здержує жебы до дербию вошли з побиднїцкима амбициями. За Црвенчанох дуел у Сивцу будзе перши тото пролїце, и як повєдал тренер Владимир Зеяк, игроки уж дзешка чекали змаганя за бодами, зна же сала будзе полна, што є лєм додатни мотив його вибраним жебы дали вше од себе. Зостреченє рукометарох Сивца и Црвенки будзе у новопостроєней сали у Сивцу одогране завтра, а почнє ше у 19 годзин.

Того викенда почина и ярня часц першенства за наших футболових дружинох.

У першому колї пролетней часци првенства у Сербскей лиги, ґрупа Войводина, футболисти Гайдука идзу гостёвац Омладинцу з Нових Бановац. Кульчани значно подмладзели состав, а свесни своєй позиции на табели препущую роль фаворита домацим. Як поведа тренер Гайдука Слободан Бачич, домацин барз нєгодзен противнїк, твердий, моцни, длужше селекционирана дружина зоз винїмочно добрим тренером Стевановичом, котри пестує єден агресивни футбол, алє „гайдуки“ нє одиду з белу заставу и буду пробовац зробиц то, цо за них найбаржей вигодно. Дуель Омладинца и Гайдука на програму завтра, а зачне ше у 14 годзин и 30 минут.

Футбалери Црвенки у першым колє пролећней часци првенства у Войводинскей лиги привитаю тим Таванкута. Место на табели указує же победа футбалером Црвенки императив, кед хц ищец контакт зоз штредком табели. Тренер Црвенки Живко Йованович висловює же перша утакмица и найважнєйша и же одредзи дальши ход сезони, та прето чека же його вибрани з максималним ангажованьом и борбеносцу здобуду победу и пойду до мирнєйших водох на табели. Стреча Црвенка – Таванкут на стадиону „Милорад Джомба“ у Црвенки будзе оддзержана зутра, а зачне ше о 14 годзини и 30 минути.

У першого кола пролїтней часци првенства у Сомборскей окружней лиги, футболери Русина з Руского Керестура гостюю у Обровцу дзе ше зоставаю з Борцом. Йтим дери, бо Борац треци, а Русин штварти на табели. През зимску павзу були премени у редох Керестурчанох. Тренерску палицу од Ранка Делїча преял Серджан Джуканович, котри будзе и грац, а Русина пояцали голман Йовица Калинич и игроки Димитрий Шарац, Неманя Кулич, Александр Кочиш и Матей Саянкович, та окршає з Борцом будзе нагода видзиц як ше уклопели до колектива. Зостреченє футболерох Борца и Русина будзе у Обровцу одогране у нєдзелю, а почнє ше у 14 годзин и 30 минут.

Футсалери Гайдука у 13. колу првенства Футсал лиги Войводини пред своїма навиячами дочекаю Нови Сад. Сусрет у шпортовей сали Основней школи „Петефи бригада“ одогра ше у нєдзелю, а почнє ше о 19 годзини.

Баскетбалери Гайдука у 17. колу првенства у Првей сербскей лиги витую новосадску Слободу. Вибранїки тренера Данила Боровича маю обовязок прерва навивачом, бо дома програли Врбашаном, та меранє моци з Слободою нагода на виправданє. Зустриток баскетбалерох Гайдука и новосадскей Слободи будзе у хали „Петефи школи“ у Кули одграни завтра, а зачне ше у 19 годзини.

Куглари Гайдука у 16. колу првенства у Првей лиги Сербиї – ґрупа Войводина гостую у Новим Садзе дзе ше, у недїлю од 14 годзини, стретаю зоз послїднїм Радничким.

Ђ.Боянич