Ваня Удовичич, Давор Штефанек, Горан Маринкович и Дане Баста днесь навщивели општину Кула
Министер младих и спорту Ваня Удовичич з сотруднїками, потим Давор Штефанек, председатель, и Горан Маринкович, секретар Спортского союзу Сербиї, як и покраїнски секретар за спорт и младих Дане Баста днєс навщивели
Министер младих и спорту Ваня Удовичич зоз сотруднїками, потим Давор Штефанек, председатель, и Горан Маринкович, секретар Спортового союзу Сербиї, як и покраїнски секретар за спорт и младих Дане Баста, навщивели днєска Општину Кула. Високих гостох прияли руководяци людзе локалней самоуправи, на челє зоз председателю Привременого органу Дамяном Миляничом, у чийей ровнї найперше навщивели Основну школу «Иса Байич» у Кули. Директорка школи Миряна Ивич Михайлович гостём накратко представела школу, а найуспешнши спортисти зоз школи приредзели им сердечне прияня, при чим використали нагоду и на заєднїцке фотографованє. Гостє, на челє зоз министром Удовичичом, до Основней школи «Иса Байич» донєсли спортови реквизити за школску салу. По тим министр Удовичич и други гостє навщивели Спортову халу «Слободан Чиле Мишкович» у Црвенки, жебы ше пресведчили як поступую роботи на адаптациї того спортового обєкта, за котри векшину потребних средствох обезпечело управе Министерство за спорт и младих.
Предсидатель Привременого орґану општини Кула Дамян Милянич найперей подяковал високим гостём же днєс були у нашим краю и при тей нагоди повел:
-Ево, ту зме у црвеначкей гали, а роботи практично при концу — иде о роботох, котри су зробени, а найвекшу часц финансировали зоз Министерства за спорт. За нас значне, же вшитко, цо у предходних рокох обецовали, и реализоване, а за насцедуюци период нам остава ище окончици єдну фазу реновированя гали. По тей фази гала будзе цалком реконструована и будзе мац тоту пуну намену — поведа Милянїч.
У своїм обраценю представнїком медийом министер младих и спорту Вања Удовичич повесцел:
-Пришли зме ту же би тимски указали на то як шме готови полєпшац положенє млади на локалним уровню, навщиц локал, розправяц з локалнима спортскима клубами, алє и обезпечиц чим лєпши условия за школски спорт. Днес зме ту же би указали на значну синерґию медзи локалом, покраїнским секретариятом и Спортским союзом Сербиї як кровним союзом, и видзели на який способ можеме помагац локалним клубом. Алє найважнєйше, днес зме ту же би указали же то, цо зме промуцели, то зме и сполнєли; же на терену видзиме цо сполнима силами зробене, же можеме ше поношици з нашима дїлами и резултатом на семафоре, як и видзиц цо можеме зробиц у насамоту периодзе, жеби нє лєм гандбалери з Црвенки и спортовци з Кули, алє, мушим повесц, и вшитки спортовци з Покраїни, як и з Републики, мали найлєпши условия за приправи и роботу. Црвенка ма свою гандбалну, алє и сигурно спортову традицию. Хасцем подзяковац предсидательови Привременого орґану општини Кула, котри своїм дїйствованьом указал колїко му важни спортовци и млади на териториї своєй општини. Видаванє 8,5 процент локалного буџету заслугує на похвалу и є приклад другим, бо тим ше указує колїко ше поштує политика за млади и як ше дума о полєпшаню положеня спортовцох и посилованю локалного спорту – повесц Удовичич.
Министер Удовичич и його сотруднїки даровали Рукометному клубу «Црвенка» и нови лопти, нє хибело анї заєднїцке фотографованє зоз олимпискима шампионами, а члени новинарскей секциї Основней школи «Вук Караджич» за потреби часопису «Пламенко» Союзу за школски спорт зробели интервю з министром Ванём Удовичичом.
