Нагляд до єдинственого виборного списку з нагоди дриманя виборох за председателя Републики Сербиї
Поводом одржованя виборох за председателя Републики Сербиї, котри розписани на 03. април 2022. року, гражданє општини Кула можу провериц часц виборного списку котри ше водзи за територию општини Кула, за проверку д
При нагоди виборох за председателя Републики Сербиї, котри розписани на 03. април 2022. року, жительє општини Кула можу поглєднуц ту часц бирацкого списку, котра ше водзи за територию општини Кула, жеби перевериц чи су записани до бирацкого списку и жадац виданє ришеня, на основи котрого ше робя премени у бирацким списку (запис, вибрисованє, зменьованє, дополнєнє або поправка).
Увид до часци списку виберачох мож зробиц аж до заключованя списку виберачох, 18. марца 2022. року о 24,00 годзини, особно каждодньово у робни дзень од 7 до 15 годзини у будинку Општини Кула, ул. Ленинова бр. 11 и у месних канцеларийох у Црвенки, Сивцу, Крушчичу, Липару и Руским Крстуре, як и електронски на официялней интернетовей сторони Министерства державней управи и локалней самоуправи (https://upit.birackispisak.gov.rs/) з уписованьом податку о єдинственим матичним числу граждана.
До заключованя виборного списку, 18. марца 2022. року у 24,00 годзини, гражданє можу од Општинскей управи Кула жадац донєшенє ришеня котрима ше установюю премени у виборним списку (запис, брисанє, премена, дополнєнє або поправка), а од заклучованя виборного списку аж до 72 годзини пред дньом виборох (до 30. марца 2022. року у 24,00 годзини), Министерство державней управи и локалней самоуправи доноши ришеня котрима ше установює премена у виборним списку, на основи жаданя гражданох податих непосредно Министерству або прек Општинску управу.
По проглашеню предлогу кандидата, право на увид и поднєшенє жаданя за запис и зменьованє у виборним списку ма и подношитель виборней листи або особа, котру он овласци, по тим истим поступку по котрим то право маю и гражданє. К жаданьом ше прилага овласценє и потребни докази.
Найпознєйше пейц днї пред дньом заключованя виборного списку (до 12. марца у 24 годзини) обиватель може подац жадосц же би ше до виборного списку уписал податок же на приходних виборох будзе голосац подля места пребуваня у держави або подля места пребуваня у иностранстве.
