Упозоренє футбалским клубом

Зато же епидемиологична ситуация погоршена, як и дзекуюци ванредному упутству Футбалского союзу Сербиї, з Футбалского союзу Войводини послали вшитким клубом упозоренє, хторим Футбалски союз Войводини упозорює вшитки клуби же стрикно додержую Протокол за орґанизацию утакмицох у вшитких лигах, хтори под компетенцию того союзу, у ванредних околностёх, хтори виволане ширеньом вирусу ЦОВИД-19 у змаганьовей 2020./21. сезони, хтори знаходзи ше на сайте того союзу.

У упозореню ше зазначує же особиту увагу треба звернуц на максимални число особох котри можу присуствовац утракованю. Протоколом установене же утракованю може присуствовац максимално 90 особи, и то 36 гравцох обох тимох, по 6 членох стручних штабох и по шест представителї управох обох клубох, 4 судиї и позератель судийства, делегат и комесари, комплетно пейц, 6 зберачох лопти, двоє особи хитрей помоци, єден камерман и три новинари, три члени технїчного персоналу и пейц членох редарскей служби. У упозореню Футбальского союзу Войводини ше ище жада обовязне ношенє защитних маскох, минимална физична дистанция 2 метра, як и обовязна дезинфекция и гигиєна швлакарнь

Делеґати маю упутство за спровадзованє вшелїких наведених мири, а каждзе непоштованє прописаних мири будзе оценьоване як слаба орґанизация утакмици, у складзе з одредбами Дисциплинского правилнїка Футбалского союзу Сербиї.