Учинок наших спортовцох през викенд

Футсалери Гайдука у финалу Купа Войводини, хтори ше одограл у Новим Садзе, програли од Клубу малого футболу „Нови Сад“ з 10:1. И кед и сама класификация до финалу Купа Войводини вельки успих футсалерох Гайдука, очековало ше же факт же ше боря за трофей будзе додаточним мотивом, алє Новосаґянє у гевших елементох гри надграли Гайдук и заслужено славели. Почасни гол за екипу Гайдука у финалним утриманю Купа Войводини у футсалу дал Сушич.

Кадетки одбоїкарки Гайдука у другим колу Кадетского првенства Войводини пред своїма фанушиками у Кули победзели кадетске дружтво Врбаса зоз 3:0 у сетох. Тренер одбоїкаркох Гайдука Вук Маленица повида же його храчки понєсли поуку зоз поразки у першім колу, та проти Врбашанкох грали храбро од початку по конєц, цо принесло резултат. Одлични приєм примачкох сервису Настасие Вендел и Маї Гроздич, як и либера Адријани Букејлович, омогуцели дизачки Уни Пєшчич розиграц вшакши саиграчки, а у поенох ше истакила Милица Миздрак. Маленица спомина и допринос коректорки Анђели Шевин, котра попри одличней гри у оборони и файно сервировала, як и средньой блокера Ани Стоёвич, а кед вшакша храчка подає максимум, и победа максимална. Први сет кадетки Гайдука виграли зоз 25:20, други зоз 25:12, а треци зоз 25:18. У трецим колу одбоїкарки Гайдука дочакую дружтво Маглича, и з евентуалну победу обезпечели би пласман до осмини финала Кадетского првенства Войводини.

Нашо спортски дружтва, котри ше припремую за пролеци часц првенства, протекли викенд хасновали жебы зоз приятельскима стречами провери оцо дотераз у припремох зробели.

Рукометаше Црвенки, члени Супер Б лїґи, у прияцельским утриманю, хтори ше одограл у Руским Крстуре, побидзели екипу Лавох з Бачкей Паланки з 40:25. Тренер рукометашох Црвенки Милош Митрович наглашує же була видна розлика у квалитету, алє приступ його гравцох, односно залаганє и трчанє, були на високим уровню, кед ше возьме до обзору факт же то була їх перша контролна утримка. За другу контролную утримку, хтора би мала буц одограна того тижня, глєда ше противнїк, а по утвердзеним календару рукометаше Црвенки 9. фебруара одограю утримок з рукометашами Сивца, а потим 11. и 12. фебруара буду участвовац на мемориялним турниру „Драго Йовович“ у Врбасу.

Футбалери Гайдука, члени Србскей лїґи ґрупа Войводина, на игралишку на Вашаришту хосцели дружтво ЖАК-а з Сомбора, дружтво на другим месце з Сомборскей подручней лїґи. Бул то перши контролни стреч футбалерох Гайдука и вони го виришели у свою корист зоз 3:0. Главни тренер Гайдука Желко Рачич дал шанцу вшакшим кандидатам за найквалитетнєйши состав, а голи дали Кочиш, Богичевич и Матиашевич. Наступну контролу припремносци футбалери Гайдука буду мац у штреду, кед пойду на гостованє до Врбаса.

Кошаркаре Гайдука у рамикох припремох на наставок першенства у Првей реґионалней лиги Сербиї гостовали у Гайдобрe, дзе од члена Другей лиги Сербиї, дружтва Герцеговца, були поражени з 86:59. Куляне у тим змаганю виступели без Джуровича, Копривици, Лєшевича, Рнича и Барновского, та нагоду достали хлопци Шупица, Илич и Стелїч, котри ма лєм 14 роки. У першой половини змаганя кошаркаре Гайдука дали добри одпор физично спремнєйшому дружтву, а ту часц змаганя Герцеговац виграл з 48:42. Ришаца за конєчни резултат була треца часц, котру домашнї виграли з 28:10. Кошаркаре Гайдука у стреду одграю приятельске змаганє з Академиком з Србобрану, а уж у суботу их чека першенствене змаганє з дружтвом Подриня у Мачванскей Митровици.

Ђ.Боянич