У општини Кула проглашена ванредна ситуация

В општини Кула днїска проглашена надзвичайна ситуация за вязку з погоршаню епидемиолоґийну ситуацию, котра настала ширенём заразного захорованя Ковид19. Предсидатель општини Кула Дамян Милянич повів, же єден з основних мотивох за уводзенє надзвичайней ситуациї бул проблем, з котрим сми недавно стрекли, а то є велї число старших особох, котри захорели на корона вирус и лїчат ше дома. - Они нє можу хасновац услугу геронтодомашнїци, бо вони обслугују здравих и могли би їх потенциялно ohрозиц. През надзвичайну ситуацию обезпечиме додаточни средства, жебы наймели додаточни особи и опремели їх за тот вид хасновательох, и жебы зачали давать тот вид услуг, повів предсидатель општини Кула Дамян Милянич. Предсидатель додал, же каждодньово будзе слїдовaц потреби гражданох и так заводзиц нови мири. Додал, же число захорених в општини Кула доста велїке. - Зоз острейшими мирами покушаме зменшац число захорених и зменшац притисок на здравствену систему, бо видзиме, же и наша амбуланта и шпиталї в околїни су преоптеречени. Предсидатель Милянич подчеркнул, же робочий час остава як и дотераз, так само и робота школох и предшколских установ, а ситуация будзе ше слїдовац и, кед будзе потребне, мири буду кориговац каждодньово. Према найновшим податком Заводу за явне здравє, в општини Кула 416 особи инфикованих корона вирусом. У прилогу тексту можеце зняц: Препоруку котру ше предклада предсиднїкови обчини Кула же проглаши надзвичайну ситуацію на териториї обчини Кула Одлуку о проглашеню ванредней ситуациї на цалу територию општини Кула