У нєдзелю на црвеначким „Потоку“ Првенство Войводини у кросу

Вишлїшнє место „Поток“ у Црвенки будзе у нєдзелю домацин Првенства Войводини у кросу за шицки возрасти. Попри првенства, ше одржи и Яфа крос за атлетски школи. Организатор того атлетского спектакла Атлетски клуб Црвенка, а програм зачиснює у нєдзелю од 10 годзини, кед на програму найпрвей Яфа крос, а у 11 годзини Крос првенство Войводини. Змаганє ше одвива по пропозициях Атлетского союзу Войводини и Сербского атлетского союзу.

Нєдьо Зорич, тренер Атлетского клуба „Червенка“, повел же орґанизация покраїнского првенства у кросу дошла як логичне продовжанє єдного красного ювилея, а то 40 роки од основаца Атлетского клуба „Червенка“:

„У тим року, у котрим наш клуб святкує 40 роки екзистованя, ришели зме организовац Крос-першенство Войводини, а при тим першенстве организуєме и Яфа крос за дзеци з атлетских школ з териториї Войводини. Очекуєме, же то будзе красна подїя за Црвенку и за вше змаганєше з Войводини. Цо ше дотика Яфа кросу, за дзеци од першого по штварте розред основней школи будзе єдна дистанция од 300 метр. Девочки и хлопци буду бежац окреме, а окреме ше бежи и по розредох. Што ше дотика Першенства Войводини, виступую вше возростни категориї и бежи ше од 1000 до 5000 метри. Младши пионерки бежа 1000, младши пионери 1500 метр, старши пионерки бежа 2000 метр, а старши пионери бежа дистанцию длшу за 500 метр. Юниори бежа 3000 метр, а сеньори 5000 метр, и верим, же будзе добрих беженьох и же вше посетители буду задовольни. Кед ше дотика одзива клубох, од 29 клубох у Войводини очекуєме учасц вецей як 20 з нїх, а некотри клуби, котри потвердзели учасц, су „Русин” з Руский Керестур, „Хайдук Маратон Тим” з Кули, „Маратон” з Сомбора, „Обилич” з Нового Кнежевца и многи други“.