Турнир у малим футболу у Црвенки 4. юлия

Єден з защитних знакох лїта су традицийни ноцни турнири у малим футбалю, та практично нєт места дзе ше у лїтним периоду нє представя игроки малего футбаля. У кулскей општини сезону турнирів одкриє тот найстарши – у Црвенки. Наиме, подля найавох орґанизаторох у Црвенки би на концу юния мал зачала 59. по раде традицийни ноцни турнир у малим футбалю „Црвенка 2020“.

Публики ше представя грачи у трох категорийох: сеньйори, младши категорийи и ветерани. За найуспешнєйших у младших категорийох припремени медалї и пехари, кед сеньйори буду боєвац за пенєжни награди. Наградни фонд турнира у Црвенки є 230 тисич динари. Переможцу припадне награда од 150, другому екипи 50, а третей 30 тисич динари.

Заинтересовани екипи можу приглавиц свою участвованє на традицийним ноцним турнири у Црвенки до 26. юния, кед будзе обавене и формованє такмичарских ґруп и жребованє противнїкох. По словох организаторох, и гоч на плакати було написане же турнир зачина 27. юния, зоз оглядом на нєяки административни потижкосци початок будзе одложени на єден тижен и турнир найвератейнейше зачина 4. юлия.

Ђ.Боянич