Три милиони за водоводну мрежу

Нова водоводна мрежа

Месней заєднїци Нова Црвенка схвалєни 3.038.000 динари на конкурсу Покраїнского секретарияту за польопривреду, водопривреду и шумарство. Подля слов председателя Совиту МЗ Нова Црвенка Огнєна Ковачевича, здобути средства з покраїнского бюджету буду хасновани за будованє новей водоводней сцини у селе. За тоту намену покраїна скорей схвалила два милиони динари.

- Виградзиме цалком нову водоводну мрежу з окитен цевами, а стара мрежа останє у земи. Домацинствам у валалу обезпечиме бесплатне приключенє на нову водоводну мрежу. У плану є и ревитализованє єдней зоз двох студньох на водозбераци, хтора вже дзесяц роки нє функцує. Зоз набавку нового черпала за тоту студню обезпечиме вецейши тиск у водоводних цевох и тим самим лєпше снабдзованє валалу пияцну воду - гвари Ковачевич.

За вибудованє новей водоводней мережи у селе потребне ище прек чотири милиони динари, цо би з помоцу покраїни мали обезпечиц до конца того року.

Фотогалерия