Зводзенє мери ощадзованя електричней енергиї

Минулий тиждень председатель општини Кула, Дамян Милянич, истакнул же локална самоуправа закончела припрему плану за мери ощадзованя подлуг упутствох Министерства рударства и енергетики. Министерство рударства и енергетики препоручело вецей локалним самоуправом на териториї Републики Сербиї применьованє активносцох з цилом ощадзованя електричней и топлотней енергиї, у складу зоз шицкую енергетичну ситуацию у швету и Сербиї.

Днєска председатель општини Кула мал сциканя з директорима Домох култури з териториї општини Кула, директором Културного стредиска Кула, директорку Народней библиотеки, секретарями месних заєднїцох, директорима комуналних подприємствох и з Активом директорох, жеби им вєдно з Сузаном Мусич, енергетичним менаджером општини Кула, предочел мири штедзеня, котри Општина Кула донєсла на основи Уредби, котру предписала Влада Сербиї и надлежне министерство.

Предсидатель општини Кула поведа же, гледаюци крез призму нашей општини, циль котри мири вимагаю, а котри подразумюю зменшанє явного освитлєня за 33% и зменшанє хаснованя електричней енерґиї у явних установох за 15%, реално зводлїви, кед ше взме до уваги же наша општина у предходним периодзе робела на енерґетскей санациї з цилю ушедзеня, та 11 явних установох преходзело на ґас, а у школки „Сунчица“, Спортскей сали у Руского Крстура и Основней школи „Петефи бриґада“ у Кули скорей ше монтує вонкашнє штедлїве ЛЕД освитлєнє. Милянич додал же локална самоуправа з дотациями потикала и гражданох же би розмишляли о енерґетскей ефикацносци и ушедзеню, та числени домацинства преходзели з грияня на струю на грияня на ґас. Сумираюци вше то, очекує ше же ушедзенє будзе векше од поставених цильох, заключел Дамян Милянич.

Мири ше поднимаю з цилю зменшаня хаснованя електричней и топлотней енерґиї у державних и явних установох, як и у домацкинствох и подприємствох, з цилю ушедзеня електричней енерґиї за предстоящу зиму.