Спортски резултати минулого викенду

З перемоци у остатнїм колє подзимней часци првенства у Првей рукометней лиги Сербиї Сивац 69 потвердзел титулу подзимного чемпиона. На гостованю у Мокрину Сивац 69 декласирал домашню екипу Червену звизду з 37:17. Найефективнєйши у шицавскей екипи бул Марко Чабаи, котри постигнул 14 голи. Сивац 69 закончил подзимну часц првенства у Првей лиги на першім месце табели зо шицкима єденадзец перемогами и 22 здобути бод. Што требаще виєдначиц, то податок же рукометаши Сивца мали гол-ризлику плюс 130, значи же в среднем своїх противнїкох перемагали зо вец як дзесяц голами розлики, што лєм потвердзує неспорну квалитету шицавских рукометашох.

У 10. колу првенства у Супер Б лиги рукометаши Црвенки пред своїма виячами записали нови нєуспих. Пребила их Колубара з Лазаревца з 24:23. Гостї лєм хасновали того, чого им даровали рукометаши Црвенки. Бо як инакше висвітлїц факт же у 21. минути рукометаши Црвенки мали пет голи предносци, грали добрe, алє потим настал ряд хибох и Колубара повагуня дошла, а у 40. минути и претекла Црвенку. Все єдно, домашнї рукометаши мали последнї напад на виривнанє, грали з єдним гравцом вецей на поли, без голмана, но Швельо нє бул точни з крилней позициї и бодови отишли до Лазаревца. Найефективнїши у екипи Црвенки бул млади Бошкович з 7 голами. Црвенка є последня з 5 бодами, а у последнїм колу єшенього чишлєнка првенства иде до Морави у Вельку Плану.

Млади рукометарки з Црвенки, дружина Лаки, у остатнїм колу подзимней часци першенства у Првей лиги на гостованю у Кикинди програли домашнїм Кикинди зоз 25:20. Кикинђанки водза на табели, зо сами победами, та окрем чесней поразки нїч вецей нє було можлїве очековац од дружини Лаки. Наефективнєйши у дружини Лаки були Драгана Радуловић и Драгана Димитрић, з по 5 голи. Дружина Лаки окончала подзимню часц першолигового першенства на девятим месце на табели, зоз 6 здобутих бодох.

Кошаркаре Гайдука у 10. колу првенства у Првей србскей лиги остварели победу. Куляни пред своїма глядачами победзели екипу Єдинства з Нового Бечея з 110:95. Резултат указує, же обидва дружтва булї вецей нападово орєнтовани, дали укупно 205 поени, што ше на наших теренох нє видзи часто. Зо трома победами и шестима поразками кошаркаре Гайдука дванадцати на таблици. У насамшейшим, 11. колу првенства кошаркаре Гайдука у суботу идзу на гостованє до найнизше поставеного Академика у Србобран, алє пред тим, у штреду, пред своїма глядачами одраґраю одложени стреченє деветого кола првенства и дочекаю екипу Омладинца з Нових Бановацох.
Кошаркаре Сивца, котри ше такмича у Другей сербскей лиги, записали и девету по шебе поразу. Сивчани у 9. коле првенства програли Апатину з 96:86. Стреч ришени у остатней четвертини, котру кошаркаре Апатина виграли о десец бодох 25:15. Кошаркаре Сивца послїднї на табели зо вшиткима девец поразами, а у насцедуюцим коле приймаю водзацу на табели Слободу з Нового Саду.

Ђ.Боянич