Спортски резултати минулого викенду

Гандбалери Черенки начинили право препадзенє, бо у стречаню 8. кола чемпионату у Супер Б лиги победзели Лавох з Бачкей Паланки з 24:21, полочас 11:10. Тота победа „верверкох“ препадзенє, бо як послїднї на таблици грали з ведучу екипу лиги, наступели без ранєних капитанох Ивича и Рачича, а у тиме нє було анї Стоканича. Но, вшелїки тоти гандикапи нє заперали гравцом Черенки, жебы зоз чудовиту игру у оборони уможлївели лєгки голи, пред вшелїм швидкому Швельови. Найефективнєйши гравец у екипи Черенки бул Швельо, котри постигол 8, а ефективни бул и Еґич з 7 голами. Черенка єденадзета на таблици з 5 бодами, а у наступним колу идзе на гостованє до Врбасу.

У дерби єсени у Првей лиги Сербиї ґрупа север Сивац 69 у Црвенки декласирал Ябуку, победзевши ю з 26:19, полчас 13:11, а з тим тримфом Сивчани практично обезпечели титулу єсенового чемпиона и зробели велики крок к конечному цилю — пласману до Супер лиги. У першим полчасу хтори виведзени Бранка Жежеля грали троха напружено, свесни значеня стреку, алє розположени Калич и Копаня, зоз стандартно добрим голманом Богоєвичом одвели тим Сивца на одпочивок зоз двома голами предносци. У другей половини, скавидна гра у обрани була овенчана зоз нєколїкими лєгкима голами у контрах, та предносц росла аж до 51. минуты, кед рукометари Сивца повели з 22:15 и ту предносц з одвичовательну гру сохранєли аж до конца стреку. Найефективнєйши гравец у победнїцким тиме бул Витомир Калич, хтори постигнул 7 голи. Сивац 69 є перши на табели Првей лиги зо вшима 18 бодами, а у насампред наступней колу пред своїма фанушами дома ма Герцеговину з Сечня.

Обрадовали и млади червенски гандбалерки. Екипа Лаки у 9. колу першолиґового чемпионату на гостованю у Фекетичу з домашнїм Ядраном грала неришено 23:23. Гандбалерки Ядрану були блїжей победи, до завршку стречаня мали три голи предносци, бо вислїд бул 23:20, алє з голом Милани Йовович и двома поготками Драгани Радулович екипа Лаки приходзи до бода. По тим колу Лаки займа девету место на таблици з 6 бодами, а у наступним колу дома привита екипу Спартака з Дебелячи.

Победу у 16. колу првенства у Српскей лиги ґрупа Войводина Гайдук 1912 є надомак титули єсенового чемпиона. Куляни на гостованю у Зрењанїне победзели тим Радничкого з 1:0. Як тверди орех були домачнї, сведочи и податок же пред стреком з Гайдуком програли лєм єден матч. Но, по обичайох, футболєри Гайдука грали твердо, стрплїво и як плод такей гри пришла победа. Момент одлуки случел ше у 61. минуту, кед нападнїк Гайдука Страхиня Илич директно з корнера победзел голмана Радничкого и так принєсол победу свойому тиму. Гайдук 1912 є перши на табели Српскей лиги ґрупа Войводина з 41 здобутим бодом, а у остатнїм колу єсеновей часци првенства Куляни дома маю тим Вршац, уверени же зоз терену вийду як єсенови чемпиони.

Футбалери Црвенки у 14. колу першенства у Войводинскей лиги ґрупа север на гостованю у Таванкуце програли домашнїм з Таванкута зоз 1:0. Црвенчани у першым полочаше були лепши, створели нєшка полушанси, а найлапшу мал Кулич, кед рушел сам до голмана домашнїх, лем нє бул прецизни. У другей часци лопта була вецей у власносци футболерох Црвенки, лем без шанси. Деталь котра ришела стреклище стала ше у 60. минути, кед игрок Таванкута зоз вольного копа зоз коло 30 метрoх послал лопту пред гол Црвенки, вона падла у петерац, нїхто ю нє вибил и лопта завршела у мрежи Црвенки. Футбалери Црвенки су єденадцети на табели зоз 15 бодами, а у насцедуюцим колу дочекаю Бачку з Пачира.

Четрнасте коло першенства у Сомборскей подручней лиги обзначело општинске дерби одогране у Кули на Гедеру. Сили одмерали домашнї Кула и Липар. Кула славела з 2:1. У першой половини Липарчани були лєпши и ґолом Ковача ту часц гри ришую у свою користь. У другей часци, дзекуюци тому же Липарчани ришели ховац резултат, футболисти Кули преузели инциятиву и з ґолами Яњића и Давидовића дошли до побиди. Русин з Русского Крстура на гостованю у Товаришеву з домашнїм Войводином играл нєриешено 1:1, а четверти наш представитель Полет у Сивцу побидзел Радничкого з Раткова з 2:1. Русин други на табели з 27 бодами, Кула осма з 20, а Полет штирнацти и Липар пейдзацти, по 9 бодами. У остатнїм колу подзимней часци першенства на програму нове општинске дерби: у Липару зиграю Липар и Полет з Сивца, Русин у Руским Крстуре дочека Херцеговца з Гайдобри, а Кула идзе гостовац к екипи Будућности до Параг.

Ђ.Боянич