Спортски резултати минулого викенду

Футбалери Гайдука нє потвердєли победу на отверанє србсколигашского ярного тейку, котру остварели у Бачкей Паланки. На премиєрним зозиду на своїм терену подзелєли бод зоз вельо дисциплиновану и тверду екипу Омладинца з Нових Бановацох, граюци нєрешено 0:0. Зозид почал з минутом тишини, на спомин недавно преминутому тренерови голманох Гайдука Радованови Дринчичови, а гравчи Гайдука виходзели на терен у майкох зоз «Дрининoвим» подобом. Што ше тиче самого зозиду, у першой часци конкретнєйши домашнї, та так забелєжуєме 22. минут и шут Бранислава Манойловича зоз петнац метерох з боку коло голу, а тот сам гравч у 27. минуту пропущел найвекшу шанцу у першой часци, кед по центершуту Арежини зоз десец метерох по центру голу захопел главу лопту, алє вона закончела над голом. У другей половини гостє мали вецей лопту у своїм поседованю, алє нє витворели шанцу. Домашнї, наопак, у другей часци лєм раз загрозюю, и то Матиевич у 85. минуту кед по соло акциї шутовал зоз 18 метерох, под пречку голу гостий, алє Ягодич великолепно интервеновал и вибил лопту у корнер за конєчних 0:0.

Гайдук теперь дванадцати на таблици зо 29 бодами, а у наступним колу иде на гостованє до ОФК Вршца.

Приємно пренаходзели футбалери Црвенки, хтори у 19.колу першенства у Войводинскей лиги на гостованю у Бачком Брестовцу перемогли дружину Радничкого зоз Сомбора зоз 3:1. У першім полувремену футбалери Црвенки повели голом Милана Суботича, а по троха вецей як годзини гри домачнї изравнали. Футбалери Црвенки дошли до тримфу у надокнади часу, кед Бабич, а потим и Шакич постигли голи за драгоцену победу. Црвенка з двацец и єдним здобитим бодом шицейцас штернацата на таблици, а у наступуюцим колу прийма ЧСК Пивару з Челарева.

Другу пролећну победу записали футболери Русина з Русского Крстура. У 19. колу првенства у Сомборскей подручней лиги Русин на своїм терену победзел тим Маглича з Бачкого Маглича з 3:1. Голї дали Чернок, Бранкович и Данойевич. Русин тераз є штвари на таблици з 38 здобутих бодох, а у двацетим колу гостує у Борца у Бачким Грачацу.

Зачал ше пролећни дїял првенства у Сомборскей медзиопштинскей лиги перши разред, у котрей змаганю Кула, Полет з Сивца, Липар и Младосц з Крушчича. Початок пролећа означел општински дерби, котри одограл ше у Сивцу, а у котрим Липар побидзел домацого, тим Полета з 3:2. Голї за Липар дали Миїч, Ковач и Лазич, а за Полет Ромич и Фуртула. Дерби затїнила тяжка травма футболисти Липара Бановича, котрому по старци футболови Полета Пеяновича зломена нога и завтра му буду робели операцию. Кула на Гедеру побидзела тим Гайдука з Стапара з 3:1, а то перша победа Слободана Куколя у щез започатей тренерскей карєри. Два голї за Кулу дал искушени Букеелович, а гол дав и Гачевич. Младосц у Крушчичу побидзела тим Дунава з Бачкого Моноштору з 4:3. Голї за Младосц дали Пиштич, Грдинич, Кокот и Радоичич. Ту победу Младосц хасновала, жебы вийшла з минусу, бо осенїй дїял сезони закончела з минус двома бодами. По чтирнадцох одограних колох Липар є другий на таблици з 36 бодами, Кула пета з 22, Полет шести з 21, а Младосц послїдня з єдним бодом. У насамаршом колу в плану велїки дерби: у Липару ше зиходу другопоставени Липар и ведуще Братство з Пригревици. Кула иде до Дунава у Бачки Моноштор, сивацки Полет гостує у Тереквеша у Свилоєву, а Младосц з Крушчича иде до Бачкого Брегу на змаганє з Динамом.

У 14. колє пренства у Футсал лиги Войводини, футсалери Гайдука на гостованю у Суботици програли домацей екипи Спартака з 6:1. Почасни гол за Гайдук дал Олуйич. Футсалери Гайдука су шицас пети на табели з 13 здобутих бодох.

Рукометаши Сивца у суботу, у одложеней утримки 11. кола першенства у Супер Б лиги, на своїм терену победзели екипу Уба з 31:30, полчас 17:15 за домашнїх. През цали час рукометаши Сивца контроловали и гру и резултат, госьци нї єдного момента нє водзели, кед Сивац у 35. минуту мал и плюс пейц, кед водзел 21:16. У победней екипи Сивца найефективнєйши бул Марко Чабай, котри дал 10 голи, а Ненад Славулица був стрелац шейсц раз. Сивац 69 так записал и трецу победу по шоре у наставку суперлигашского першенства, у тим часе є шицти на таблїци з 13 бодами, а у наступуюцим колу иде на гостованє до Мачви у Богатич.

Важну победу здобули млади рукометарки з Червенки, дружтво Лаки, котри у 11. колу першенства у Першей лиги на своїм терену убедлїво побили дружтво Раванград з Сомбора з 31:18, гоч на полчасу мали лєм три голи предносци, кед резултат бул 13:10. Интересно потримнути, же дружтво Раванград у 21. минути водзело з 10:9, потим Червенчанки правя серию од 4:0, а у другей половини матчу здобуту предносц лєм звецили по конєчних 13 голох предносци. Найефективнша у дружтве Лаки була Анжели Ловре з 13 здобутих голох. Дружтво Лаки моментавно є девете на табели з 6 здобутих бодох, а у наступним колу прийма дружтво Пролетера з Зренянина.

Кошаркаши Гайдука нє попущую. У трецим коле плейофу у Првей сербскей лиги кошаркаши Гайдука записали и треци триумф, победзюци Нову Пазову з 84:77. Видзена занимлива кошаркарска представа, у котрей ше у першой часци лєпше снашли кошаркаши Новей Пазови и з девец трохпоєнков першую часц гри ришели у свою хасц з 47:44. Алє у другей часци кошаркаши Гайдука зачали грац твершу обрану, зменшели гостох на 30 забитих поєнох за 20 минути и записали заслужену победу. Найефективнєйши у екипи Гайдука бул Николай Лєшевич з 27 поєнами, Тешович з 16 и искусни Байич з 15 поєнами.

По трецей победи за шором кошаркаре Гайдука су треци на плей-оф таблици, бо зоз регуларней часци пренесли до плей-оф три победи и три поразки, а у наступним колу иду на гостованє до Герцеговца у Гайдобри.

Одбойкарє Гайдука у 13. колє пренства у Првей войводинскей лиги на гостованю у Турии побидзели екипу Младосци з 3:2 у сетох. Зустритнє було драматичне. Перши сет здобули одбойкарє Гайдука, а насамшенє два у свою хасен ришели домаци. Но, Куляни теди указали и менталну моц, найперей здобувши штврти сет виривнали на 2:2, а потим були успешнєйши и у тай-бреґу, та так записали дванадцату побиду. З 34 здобутима бодами одбойкарє Гайдука веду на првенственей табели, а у насамшеним колє дочекаю екипу Дунав волей 2 з Нового Саду.

Кугляши Гайдука у 10. коле першенства у Првей лиги Сербиї – ґрупа Войводина на гостованю у Кляїчеву програли од ведучого Кордуна з 7:1 у поєнох, односно 3355:3219 у звалєних чунях. Єдинї поєн екипи Гайдука принєсол Дарко Милович зоз звалєних 512 чуня, найменє у редох Гайдука, алє вецей од противнїка з домашнєй екипи. Найлєпши резултат у екипи Гайдука остварел Бранко Вуксан котри звалєл 581 чуня. По десетим коле кугляши Гайдука су девяти на табели з 4 бодом, а у насладуюцим коле дома принїмаю екипу Баната з Зренянина.

У театралней сали у Кули оддржана комеморативна збирка поводом наглей смерци бившого футболера и футболового тренера Радована Дринчича, котрого смерть застигла на месту тренера голманох у србсколигашу Гайдуку. У присустве членох родини Дринчич и поштовательох покойного Радована, о його животу и дїлу гварели Далибор Кркович, председатель Футбалового клубу Гайдук, Душан Лакович у мену Футбалового клубу Врбас, як и Желко Рачич, у мену Дринїних приятельох. Представителє клубох Гайдука и Врбаса оддали Радовановому синови Милянови, инаку голманови Гайдука, пригодни дреси як знак споминаня на преминутого Радована Дринчича.

Ђ.Боянич