Спортски резултати минулого викенду

У петим колу першенства у Сербскей лиги ґрупа Войводина футболери Гайдука забелєжели трецу виграну. Куляни на стадийону „Милан Среданович“ виграли екипу „1. Мај Рума“ з Руmy зоз 2:1. Ґоли за Гайдук постигли Фуртула и Матиевич. Бул вишнївидни одлични футболски представа зоз доста шанси, три постигнути ґоли, червену карту, а як то виглядало, гледаче КУ телевизиї можу видзиц вечар од 20 годзини. Футболери Гайдука нащераз штврти на табели зоз 10 здобутих бодох, а у наступним колу, знова на свойом стадийону, дома приймаю екипу Дунава зоз Старих Бановацох.

Футбалери Црвенки у пейтим коле првенства у Войводинскей лиги ґрупа север на гостованю у Апатине програли домашнїм, екипи Младост АПА, з 3:0. Тренер Црвенчанох Живко Йованович наглашує же домашнї заслужено виграли, при пристрасним судзеню, о чим сведочи факт же у першой штвартки стречу судзели аж два пенали за домашнїх, у 15. и 22. минути. Єдине добре з Апатина то же Црвенчани вишли зо стречу без картонованя, цо значи пред стречами котри насцедую. По пейох одограних стречох Црвенка дванадцята з 5 здобутих бодох, а у насцедуюцим коле на свойим терене прийма екипу Текстилца з Оджакох.

У штвартим колу першенства у Сомборскей окружней лиги застановени победни ряд футболерох Русина з Русского Керестура. Керестурчани на гостованю у Буковцу з дружину Омладинца грали нєришено 1:1. Домашнї водзели до 80. минути, кед Владан Вујовић своїм голом все єднак принєсол Русину бод. Футболери Русина тераз треци зоз 10 здобутих бодох, а у насамшец колу, котре на програму у штреду, на своїм терену дочекаю дружину ЖАК-а зо Сомбора.

У трецим колу првенства у Сомборскей медзиопштинскей лиги першого ступня наши представнїки здобули два победи, єден реми и єден пораз. Победи здобули футболєри Младосци з Крушчича и Липара. Крушчицани на гостёваню у Рибареву победзели екипу Єдинства з 6:2. Лєм два голи за Младосц дали Малеш и Кишюхаш, а по єден Ханчар и Вукович. Липар на свойым терену прихопел екипу Партизана з Купусини и до 55. минути водзел з 5:0, кед стреча була прекинута, бо гостём на терену остало премало гравцох. До прекинуцка штири голи за Липар дал Несторович, а єден Банович.

Фудбалери сивацкого Полета на гостованю у Бачу з дружтвом Омладинца з Дероньох грали нєришено 0:0, док штверти наш представнїк Кула, по двох вязаних виграшох, у дербию кола одграном у Бачким Брегу програла од Динама з 2:1, полочасє 1:1. Куляни повели євроголом Бабича, а лєм дашкельо минут после того домаци вишли на вирунованє, и голом у 75. минуту и виграли. По трох одграних колох првенства Липар треци, а Кула штверта, обидва з по 6 бодами, Полет седми з 4, а Младосц десе́та з 3 здобути бодами. У наступним колу Липар витує дружтво Тереквеша з Свилоева, Кула на Гедеру витує дружтво Єдинства з Рибарева, Полет у Сивцу витує дружтво Гайдука з Стапара, а Младосц з Крушчичох знова гостує, та у Купусини змери сили з дружтвом Партизана.        

Ђ.Боянич