Спортови резултати

Векшина наших футбалских дружтв успешнима наступами означела великоножнї празнїки.

У 21. колу першенства у Сомборскей подручней лиги Гайдук юниор як гощ победзел у Сомборе дружтво ЖАК-а з 6:1. По два голї за Куляне забили Даноєвич, Фуртула и Дрплянин. Першу ярну виграш записали футболисти Липара, котри пред своїма фанушиками победзели Стари град з Бачкей Паланки з 3:1. Голї за Липар забили Карин, Чвокич и Банович. Младосц у Крушчићу победзела Тереквеш з Свилоєва з 2:0 голами Собека и Киртија. Русин у Руским Крстуре з дружтвом Будућносц з Младенова грала нєрівно 1:1. Гол за Русин забил Бранкович. Пети наш представител Полет з Сивца на гостованю у Сомборе од Шикари проиграл з 5:0. Гайдук юниор ше тераз на четвертим месце з 34 бодами, Русин шести з 33, Младосц децети з 26, Липар штирнасти з 21, а Полет заднї з 12 бодами. У насамледуюцим колу, котре на програме завтра, шлїдує општински дерби: у Сивцу ше зозиду Полет и Младосц з Крушчића, Гайдук юниор прийма ОФК Шикару, Липар глашка Тереквешови до Свилоєва, а Русин у Гайдобрe одмера сил з Герцеговцом.

Успешни були и нашо представителї у Сомборскей медзиопштинскей лїґи першого класа. Червенка пред своїма фанушиками победзела Омладинца з Буковца зоз 2:0, а Кула на Гедеру победзела Гайдука з Стапара так же зоз 2:0. По 16 колох Червенка друга на табели зоз 33, а Кула штверта зоз 23 бодами. У наступним колу Червенка иде на гостованє до найнижше пласифікованого Граничара у Ридзици, а Кула гостує у Омладинца у Деронях.

У 15. колу првенства у Сомборскей медзиопштинскей лїґи другого класа кулски футбалски клуб КФК на гостованю у Купусини програл од водзецого Партизана зоз 4:1. КФК тераз пети на табели зоз 21 бодом, а у наступним колу пред своїма фанушиками дочакує Єдинство з Рибарева.

Великонєдєльни викенд нє бул успишни за наши кошаркашки колективи.

У 25. коле першенства у Першей србскей лиги кошаркари Гайдука пред своїма навиячами програли од Єдинства з Нового Бечея з 107:93, полчас 50:46 за гостї. Сусрит одлучени у остатней часци, котру кошаркари Єдинства виришели у свою корист з 28:19, а єден з причинох поразки кошкарох Гайдука и факта же виступели ослабени, без Баїча, Владетича и капітана Шкрбича. Наш други представитель, кошаркари з Црвенки на гостованю у Инджиї програли од Железничара з 117:88. Уж по першому полчасу, котре домаци виришели у свою корист з 62:39, було ясне же бодзи оставаю у Инджиї. Кошаркари Гайдука шести на таблици з результатом 13 побед и 12 поразки, док Црвенка последня з лєм єдну победу и 24 поразки. У насамошним, остатнїм коле першенства кошаркари Црвенки пригашую екипу Словена з Руми, док кошаркари Гайдука пойду на гостованє до Тополи у Бачкей Тополи.

Ђ.Боянич