Спортови резултати

Рукометари Црвенки у пейтим колу першенства АРКУС Суперлиги Сербиї на гостованю у Белградзе були поражени од Партизана з 34:25, полочас 15:10. Пред тим стречаньом Црвенка ше поjaцала двома своїма бившима игроками, голманом Витасом и пивотом Карановичом. У першым полочасу вибраники Владимира Зеяка добре парирали Партизану, котри мал резултатну предносц, алє рукометари Црвенки були му все на пети. Таки у 19. минути резултат бул 11:9 за Партизан, а Црвенка мала напад за лєм єден гол заостатка. Но у насамших десяц минутох Црвенчани нє успели давац голи, та Партизан з предносцу пейцох голох одошол на одпочивок. Рукометари Црвенки мали цмаву дзиру у другим полочасу у периодзе од 36. до 46. минути, кед примели пейц, а дали лєм єден гол, та убедлива поразка була неизбежна. Найефикашнєйши у дружтве Црвенки бул Митрович з 8 датими голами. Црвенка є послїдня, без здобутого боду, а у насамшому колу дома прийма дружтво Пролетера зо Зренянина.

Розчаровали и рукометари зоз Сивца. Сивац 69 у штвартим колу першенства Супер Б лїґи Сербиї принимел дружтво Смедерева, зоз ришенєм же на своїм терену запише другу першенствену победу. У перших дзесяцох минутох грало ше гол за гол, а з резултату 5:5 гостє зробели серию 3:0 и з трема голами вишку одошли на одпочиванє. Резултат бул 14:11 за дружтво Смедерева. У другим полчасу сивацки рукометари успели догнати ту предносц и у 44. минуце повесц з 20:19, алє потим услїдовали хтори технїчни хиби, котри искусни гостє кажнявали и стоворели два голи предносци, та однесли боди зоз Сивца. Конєчни резултат бул 27:25 за дружтво Смедерева. Треба повесц и то же дружтво Сивца, зоз оглядом на менши здравствени проблеми, нє водзел тренер Бранко Жежель. Наефикаснєйши у дружтве Сивца бул Беслац з 8 пострелєними голами. Сивац 69 є осми на таблици з 3 освоєнима бодами, а у насампредзуюцим колу идзе на гостованє до Морави, котра є последня, у Велькей Плани.

У третей колу першенства у Першей лиги за жени млада црвенчанска екипа Лаки гостовала у Руми, дзе програла домашньому Словену зо 25:21, полчас 13:6. Домашнї оправдали ролю фаворита, у поєдних хвильох сушрету мали и двоцифрену предносц, алє млади гандбалерки екипи Лаки показали характер, нє одступели и серию голох зробели же програш була подношлїва. Найефективнєйши у екипи Лаки були Анжели Ловре и Ана Ћуић зо по 6 голи. Зо двома програшами и зоз сушретом менєй екипа Лаки є на дне табели, а у штвартим колу иде на гостованє до Руми.

Футбалєри Гайдука у 15. колу пренацканя у Сербскей лиги, ґрупа Войводина, на гостованю у Бечею програли екипи Бечея з 1:0, полчас 0:0. Куляни виступели у Бечею ослабени, без капитена Вуковича, и стандардних першотимцох Матиєвича и Костича, цо ше, наистину, одразело и на хри Гайдука, котра у полю була добра, алє нєпредставяла опасносц за гол Бечея, бо Матиєвич и Костич з лоптами „хранили“ найлєпшого стрелца Фуртулу, а то у змаганю з Бечею хибело. Гайдук є штирнаста на табели з 18 бодох, а у наступним колу чека Єдинство з Старей Пазови.

Футбалєри Црвенки у змаганю 13. кола пренацканя у Войводянскей лиги, ґрупа север, гостовали у Байши, дзе були поражени од домашнїх Байши з 8:0. Сам резултат найвиразнєйше указує на однос моци на терену и каждий инши коментар зайвични. Байша була фаворит и пред змаганьом, бо є у горнєй часци табели, алє ше очековало же Црвенчани пренєсу бар достойнє одпор. По тей катастрофи Црвенка є петнаста на табели з 12 здобутих бодох, а у наступним колу на свойом терену чека последню Војводину з Товаришева.

У 14. колу првенства у Сомборскей околицней лиги футболїсти Русину здобули очекивану победу. На своїм терену у Руским Керестуре футболїсти Русину побидовали Тврдаву з Бача з 3:1. Ґоли за Русин дали Рац, Джуканович и Данойевич. Особлїво ефектни бул гол Данойевича у 90. минуту, кед з вольного удара з 17 метери пребацел живи зид гощох и trefel лєве рашлї. Русин є тераз штварти на таблици з 29 здобутих бодох, а у наступним колу иде на гостованє к Будучносци до Младенова.

Єденадцате коло першенства у Сомборскей медзиопштинскей лїґи першого класа означел општински дерби, котри одограни на Ґедеру у Кули, а у котрим змирали ше Кула и Липар. Победзел Липар з 5:1, а єден зоз причинох за поразку Кули, попри одличну гру Липарчанох, може буц и то же наступели без повредзених Жарича, Джоджича и Митрича, та кажнєного Бодиша. Два голї за Липар пострелєл Ковач, а по єден Дюкич, Банович и Лазич, медзицим почесни гол за Кулу пострелєл Златич. Сивацки Полет гостовал у Оджацох, дзе у дуелу з ОФК Оджаци записал поразку од 3:1. Сивчани повели у 70. минуце голом Ромича, котри пострелєни з оправданоосудзеного пенала, мали и гравца вецей, алє по тим ведзеню цалком престали грац, што Оджацани хасновали и победзели. Наш шчетверти представитель Младосц у Крушчичу програла од Тереквеша зоз Свилоєва з 2:1. Гол за Младосц пострелєл Ґрдинич. По тим колу Липар є други на таблици з 27 бодами, Полет треци з 21, Кула шеста з 19, а Младосц є последня з минус двома бодами. У дванадцетим колу Липар принима Алексу Шантича, Кула идзе на гостованє до Тереквеша у Свилоєво, Младосц гостує у Омладинца у Деронях, а сивацки Полет є волни.

Футсалєри Гайдука у 7. колу першенства у Футсал лїґи Войводина як домацини у Кули грали нерешено зоз суботицким Спартаком – резултат 4:4, полчас 3:3. Бул то трецо послїднє стрече, у котрим футсалєри Гайдука нє були поражени. Голї за Гайдук пострелєли Боґичевич, Делич, Исаков и Шинка. По тим реми футсалєри Гайдука су пети на таблици з 7 освоєних бодох, а у насампредзуюцим колу принимаю Летецих Баймочанох.

Кошаркарє Гайдука у пейтим коле першенства у Првей сркей лиги дочекаели екипу Футога и записали трецу победу, побидавши Футожанох з 82:74. У першим полчасу погане виданє вибраних Данила Боровича, о чим сведочи и податок же по першей четвертини гости мали єденадва бодова предносци, а на полчасу водзели з 43:40. Но, кошаркарє Гайдука, предводзени найлекшим гравцом сусриту Йованом Баїцом, вишнї одграли трецу часц, котру виришели у свою корист з 29:12, та потом у улегченим ритму довершели сусрит и здобули победу. Найефективнїши у екипи Гайдука були Йоканович з 19 бодами, зоз штирома постигнути трохками, Шкрбич з 18 и Баїч з 16 постигнутих бодох. Кошаркарє Гайдука су на тот час треци зоз трома победами и двома поразками, а у насамлїдуюцим коле иду на гостованє к екипи Ај кам ту плеј у Нови Сад.

У петим коле првенства у Другей сербскей лиги кошаркаре Сивца на гостованю у Беочину препали од домашнєй дружини Беочина з 87:65. Кошаркаре Сивца були равноправни з домашнїма у першім полугодню, хторе Беочин ришел у свою корист з 46:38, алє у другім полугодню Сивчаном дошла сила, цо ше одразело и на конєчним вислїдку. Кошаркаре Сивца з єдну побиду и штирма препаднуцми су шести на табели, а у наступуюцим коле прилапяю ведуче дружтво Академика з Србобрана.

Одбивачки Гайдука по двох стартних победох, у третїм колу првенства у Првей войводинскей лиги, записали и трети успих у суседским дерби, одограним у Врбасе. Победзели тим Врбаса з 3:0. У першім сету Врбашани давали найвецейши опор, а одбивачки Гайдука отримали ту часц гри з 25:22. Други сет одбивачки Гайдука отримали з переконливим резултатом 25:13, а потим трети сет розришели у свою корист з 25:21 и, без страценого сету, з 9 здобутих бодох водза на првенственей таблици. У наступним колу одбивачки Гайдука дома принимаю тим Младосци з Турии.

Ђ.Боянич