Спортови резултати

Утакмицами остатнього кола минули викенд закончело ше футболске першенство у Сербскей лиги ґрупа Войводина и Сомборскей окружней лиги.

У остатнїм колу првенства у Сербскей лиги, ґрупа Воєводина, футбалєри Оджакох пред своїма убивателями у Кули преходзели дружину Раднїчкого з Новей Пазови з 1:0. Публика видзела добру футбалску виставу, з доста шанси, з котрих єдну використал гравец Оджакох Тутнєвич и голом принєсол вигоранє своєй дружини. Оджаке завршели сезону на десятим месце на таблї з 39 здобутима бодами.

Последнє коло првенства у Сомборскей обласней лиги позначел општински дерби, одограни у Липару, у котрим домашнї Липар перемогол дружину Русина з Руского Керестура з 5:2, и кед Керестурци першу часть гришки ришели у свою корист з 2:0 голами Джукановича и Стефана Кочиша. Но, у другей части, по першом голу Липара, гришка Русина ше розпала, цо Липарчани використали и записали убедлїве вигоранє. Два голи за Липар дал Банович, а по єден гол дали Воркапич, Жарич и Станко Попович. Футбалєри Червенки пред своїма убивателями грали з дружину Будучносци з Параґа неришено 3:3. Червенчани водзели, судийске додаточне време их дзелєло од вигоранє, алє практично у самих остатнїх секундах гостї з контраатаки дали изєдначуюци гол, та бодови булї подзелєни. Два голи за Червенку дал центарфор Вуёвич, а єден гол дал Бабич. Младосц з Крушчича на гостованю у Товаришеву програла домашнїм з Воєводини з 5:1. Наш пети представител у Сомборскей обласней лиги, дружина Кули, у остатнїм колу була вольна. Червенка завршела сезону на другим месце на таблї з 62 бодами, Липар є девети з 33, Кула дванадцата з 29, Русин тринадцати з 28, а Младосц остатня, пейтнаеста, з 14 бодами.

Футбалїсти сивачкого Полета забелєжели пораз у першей стречи баражу за поступованє до Сомборскей подручней лиги. На гостованю у Обровцу Полет програл домашнїм Борцу з 4:3. Голи за Полет дали Ромич, Боснич и Вукашинович. Лєм гол заостатку дава реални шанси футбалїстом Полета же у одвратней стречи остваря резултат хтори би их одведол до Сомборскей подручней лиги. Одвратна стреча Полет – Борац з Обровца будзе у Сивцу уиграна у штварток, а зачне ше о 17 годзини и 30 минутох.    

Ђ. Боянич