Спортови резултати

Рукометаши Сивца у шлїднїм колу пред своїма навиячами у Црвенки победзели екипу Срема зоз Сремскей Митровици зоз 40:27, полчас 18:14. У сусвите без такмичарского значеня сивацки рукометаши грали з векшою пожадаю, одлучени же зоз победу розлука зоз своїма присталиками. Найефективнєйши у редох Сивца бул Саво Бошкович зоз 12 голами. Наш други перволигаш Црвенка у шлїднїм колу на гостованю у Новим Бечею програла од Єдинства зоз 33:30, полчас 18:12. Црвенка и у тим сусвите виступела без хториох стандартних первотимцох: бекох Ивича, Еґича, Гостовича, пивота Пушици, голмана Каравезича, бо було ясне же нє зможу стигнуц водзочу Кикинду, та буле єй всеєдно чи будзе друга або пейта. Найефективнєйши у редох Црвенки бул Рачич зоз 7 голами. Црвенка скончела сезону на пейтим месту на таблї зоз 25 зозбраними бодами, а Сивац 69 на єденадцетим зоз 15 бодами, и на жалосц сецує ше до нижшого ранґу такмиченя.

У 29. колу првенства у Сомборскей подручней лиги наших пейц представнїкох здобуло лєм 2 бод, и то Липар у Гайдук юниор по бод. Липар у Бачкей Паланки з дружтвом Крила Країни играл нєришено 0:0, док Гайдук юниор у Гайдобрi з Герцеговцом играл 2:2. Домачин водзел з 2:0, алє Куляни голами Фуртулу и Бранка Янича дошлї до бода. У дербию кола, одограним у Руским Керестуре, водяца Младосц з Бачкого Петровца победзела Русин з 2:0. Младосц з Крушчича на гостованю у Пивнициох програла од Славиї з 6:0, док сивацки Полет на гостованю у Бачком Брестовцу од другопоставеного БСК-а бул поражени з 6:1. Почасни гол за Полет стрилил Милович. Гайдук юниор є штварти з 42 бодом, Русин пети з 41, Липар дванадцати з 35, Младосц пейнацати з 30, а Полет остатнї шеснаци з 16 бодами. У остатнїм колу на програму општинске дерби: у Кули стретну ше Гайдук юниор и Русин з Руского Керестура, Липар прийма Славию з Пивницох, Младосц у Крушчичу домацин ЖАК-у з Сомбора, док Полет у Сивцу угосци дружтво Борца з Бачкого Грачаца.

Закончело ше првенство у Сомборскей медзиопштинскей лиги першого розреду. Кула пред своїма навивачами програла чемпионон Станишичу з 4:2, гоч з голами Златича и Мирка Радуловича вела з 2:0, а попри тим пропущела реализациї ше нєколко добрих шанци. Наш другий представитель, футболери Црвенки, закончили сезону з вигрою. Црвенчани у Кляїчеву з голами Суботича и Керекеша победзели екипу Кордуна з 2:1. Црвенка закончела сезону на другей позициї на табли з 42 здобутима бодами и у баражових стреченях будзе пробовац достац ше до Подручней лиги. Супернїк футболером Црвенки у баражу будзе екипа Будучносци з Парагох, а баражови стреченя на програму 3. и 10. юна. Кула закончела сезону на трецей позициї на табли з 32 здобутима бодами.

У предпослїднїм колє првенства у Сомборскей медзиопштинскей лиги другого розреду Кульски футболски клуб КФК пред своїма навиячами грал нєрешено 2:2 з Динамом з Сонти. Ґоли за КФК дали Гачевич и Сабо. КФК теркац осми на таблїци з 18 бодами, а у остатнїм колє иде на гостованє к дружини Телечка, котра нє ма здобити ни єден бод.                        

Ђ.Боянич