Спортски преглєд

У 4. колу першенства у Суперлиги Сербиї гандбалери Црвенки на своїм терену преграли од Кикинди зо 37:28, полочас 19:14 за Кикинду. Сам резултат гвари за себе, убедлива игра искушних Кикинчанох и цалком заслужена вигра. Уж у 12. минути Кикинда здобула пет голи предносци и зоз мирну игру рутински довела стричанє до концу, а младшей дружини Црвенки нє було силох, ани нє указала доста жаданя, же би стричанє зробела занимлївшим. Найефикашнєйши у редох Црвенки бул Бошковић з 7, а по пет голи дали капітан Радонић и Рачић, а у насампредшим колу гандбалери Црвенки идза на гостованє к Партизану до Београду.

У третей колї шамионства у Супер Б лиги Сивац 69 гостовал у Београде и зоз екипу Вождовца барз нєрешено 27:27. Сивчани були лєпши противнїк, перши полочас виришели у свою корист зоз 16:14, та гоч на початку другого часу остали без надїйного брамара Богоєвича, котри дисквалификовани, Павле Потпара го одлично заменєл, та вибранїки Бранка Жежеља у 54. минути мали штири голи предносци, кед повели 27:23. Но, по тим голу, котри дал Славулица, рукометари Сивца нє вишли да даю нї єден гол, а приймили штири, та мушели ше задовольнїц з бодом. Найефективнєйши у редох Сивца були Славулица и Беслаћ зоз по шейсц голами. Сивац 69 тераз осми на таблици зоз 3 бодом, а у наступней колї прияме екипу Смедерева, котра ма максималних 6 бодох.

Почало ше и прволигашске рукометне шамионство за жени. Екипа Лаки у Црвенки прияла Халас Йожеф з Ади и записала убедлївши пораз од 33:15, полочас 16:5 за Аджанки. И пред стрекунком ше наглашовало же Халас Йожеф найлєпша екипа у лиги, што гощи и потвердзели зо сигурну и убедлїву гру. Треба мац на ум и факт же домашня екипа Лаки грала без своєй найлєпшей грательки Милани Йовович, та є то, попри нєспорну квалитету гощох, єден зоз розлох за убедлївши пораз екипи Лаки. По три голї за екипу Лаки дали Николина Булатович и Йована Мишкович. У наступней колї млади црвеначки рукометарки идза на гостованє к Словену до Руми.

Футбалери Гайдука у 14. колу першенства Србскей лїги ґрупа Войводина на своїм терену грали нерешено 1:1 з Радничким з Зренянина. Футбалери Гайдука повели у 28. минуте голом Матиевича з вольного удара и ту предносц ховали аж до надополнєня часу. Кед уж ше очековало же три боди останю на конту Гайдука, по єдним безопасним центаршуту гостуюцих футбалерох несмотрно зареаґовал капетан Вукович и практично приготовел шансу гостуюцому нападателю, хтори ю хасновал и уравнал на 1:1. Гайдук нєшка тринадцати на табели з 18 бодами, а у насамаршим колу идзе на гостйованє до Бечея.

И фудбалери Црвенки заместо планованих трьох записали лєм єден бод. У 12. колу пренства у Войводинскей лиги – северна ґрупа – фудбалери Црвенки прияли дружство Герцеґовца з Ґайдобри. Стреченє закончело ше нєришеним вислєдком 1:1. Уж у третей минути Црвенка з голом Бабича здобула предношенство и з нїм ше пошло и на одпочивок. Але, у другей часци гостї доминовали и свою доминацию закруновали голом за виривнанє. Црвенка шицей час тринадцата на табли з 12 бодами, а у наступуюцим колу иде гостями до Байши.

Бод протеклого викенда освоїли и футбалери Русина з Руского Керестура. У 13. колу першенства Сомборскей окружней лїги Русин гостовал у Бачком Брестовцу, дзе з БСК-ом грали нерешено 1:1. Керестурчани повели голом искушеного Джукановича, алє у 85. минуте по корнеру и гужви у шеснастерцу Русина домашнї успели забиц гол и освоїц бод. Русин нєшка четверти з 26 освоєних бодох, а у насамаршим колу у Руского Керестура витує Тврђаву з Бача.

Десете коло првенства у Сомборскей меджоопштинскей лиги перши розред обележел општински дерби одограни у Липаре, у котрим Липар убедлїво з 6:0 перемогол Младосц з Крушчића. Ґоли за Липар дали Банович, Лалич, Джукич, Попович, Янич и Тутич. Шейсц ґоли дали и футболери Полета, котри у Сивцу з 6:1 перемогли дружтво Алекса Шантич. Зоз свойого єдиного переходу през центр гостє у першим полувремени повели и з тим водством одошли на одпочивок. Але, квалитет Сивчанох у другей часци пришол до виражаю, и з по двома голами искушених Ромичох и Фуртули, и по єдним голом Джукича и Варги, Полет забелєжел очековану победу. Наш четверти представител у тей ступнї змаганя, дружтво Кули, гостовал дружтву Братства, ведучому у табели, у Пригревици. Перше полувреме окончане без ґолох, наперек бруталней гри домашнїх, та тренер Кули Зоран Веселинович мушел уж у першим полувремени, хаснуюци шицки допущени замени, заменїц гравцох котри ше повредзели. Але, кед у другей часци у велї пристрасни судия Бечанович у 51. минуте за 60 секунди показал два жовти картони Бодишови и оставел дружтво Кули з менєй гравцом, домашнї то виужили и перемогли з 6:0. Як Куляни прошли у Пригревици найяснєйше потверджує факт, же Митрич, Джоджич и Жарич закончели у шпиталю. Митричови ушкодзена аркада, Джоджичови ключна костка, а Жаричови вивихнуте рамя. По тим колу Липар други на табели з 24 бодом, Полет треци з 21 и єдним маючим ше матчом, Кула четверта з 19, а Младосц последня з минус два бодами. У наступним, 11. колу нови општински дерби: у Кули ше зиду Кула и Липар, сивацки Полет иде на гостї ОФК Оджаком, а Младосц у Крушчићу будзе домацинови дружтву Тереквеша з Свилоєва.

Кошаркаре Гайдука у 4. колу першенства у Првей србскей лїги на гостйованю у Сомборе програли дружтву Йокер з 98:74, полчас 52:41. Подля словох тренера кошаркарох Гайдука Данила Боровича, причини поразки його дружтва були многи хиби, алє и катастрофални шут за три боди, бо з 26 покушань Куляни лєм два рази були успешни. Кошаркаре Гайдука нєшка треци на табели з резултатом двох победох и двох поразкох, а шансу поправиц поразку у Сомборе маю у насамаршим колу, кед у Кули витую дружтво Футога.

Кошаркаре Сивца у 4. колу пренства у Другей српскей лиги на свойом терену у Сивцу програли Сенти зо 64:58, иако першe полчас ришели у свою корист зо 41:37. Ключова була остатня чвертина, хтору кошаркаре Сенти виграли зо 17:10. Сивчани з єдну победу и трох поразкох шести на табли, а у наступуюцим колу идза гостями до Беочина.

Одбојкаре Хайдука у другей колї шамионства у Першей войводянскей лиги прияли екипу Маглича и осягли другу убедлїву победу. Екипа Маглича побита зоз максималних 3:0, по сетох 25:14, 25:19 и 25:12. Зоз шест осягнутих бодох одбојкаре Хайдука веду на таблици Войводянскей лиги, а у наступней колї ше у комшиївским дербию у Врбасе стрекну з екипу Врбаса.

Ђ.Боянич