Спортски мозайк

ПРЕРИВАНЄ ЦАРНЕЙ СЕРИЇ

Рукометари Црвенки у 15. колє првенства у Супер Б лиги пред своїма навиячами победзели Лозницу з 30:23, полчас 15:11. Таки вибраники Радосава Ковачевича по трёх везаних поразох записали першу весеню победу и звекшали свої вигляди у борби за опстанок.

-Вельо значна победа за врацанє самодоверия до екипи, бо три порази по рижи нї в якей мири нє були приємни. Но, то пребродзели и терка зоз вельо векшим оптимизмом чекуєме насамошнї стречи – повел тренер Црвенки Радосав Ковачевич.

Найефективнши у редох Црвенки бул капитен Драгиша Рачич з 11 постигнутих голох. Црвенка є осма на табели з 11 бодами и теперь єй предстоя три тижнї одпочивку. Наиме, у наступним колу Црвенка є слободна, потом, за великоднї сватки следує перерва, так же аж по Вельку ноц Црвенка одгра свій стрет з Кикиндом у Кикинди.        

А ТЕРАЗ НА «ЛЕВИ»

Вредну победу здобули рукометарє зоз Сивца, хтори у Ябуки, у стреченю 14. кола прволигашского првенства победзели Долово з 25:17, полчас 12:8. З тим победством Сивчани ше вистински реваншовали дружству Долова за ярну ремизу у Црвенки. Знова у дружстве Сивца найефикацнєйши бул Марко Чабаи з 11 голами. Сивац 69 є други на табели з 21 бодом, а у наступним колу приявя ведущу екипу на табели, бачкопаланчански Лави.

-Ми ше држиме нашого плану, же идземе од утакмици до утакмици. Максимално ангажовано ше ушли до пренства, остварели три вязани победи, дочекали кикс водзи и тераз му максимално серйозно дишеме за шию. Даме вше од себе, жебы з помоцу нашой публики „укротели“ Лавох и пребрали водзячу позицию – поведа тренер сивацких гандболистох Бранко Жежељ.

Сусрит другопоставеного Сивца и ведущих Лавох мав одограц ше тей викенд, алє Рукометни союз Войводини приймал просьбу „Лавох“ же сусрит одложи через їх гостованє у Луксембургу, та дерби сезони, бар так буду жадац Сивчани, найправдоподобнєйше одогра ше 7. априла.

РУКОМЕТАРКИ ОДПОЧИВАЛИ        

Наше друге прволигашке дружство, тим Лаки, того викенду одпочивавало. Наиме, млади Црвенчанки мали грац у пяток з Желём у Жаблю, алє домацин жадал одложиц стречу за лоше повитренни условия, та стреча Жельо – Лаки будзе одограна 3 априла у Жаблю. Того викенду дружство Лаки мали дочекац водзяци Словен з Руми, алє гостки жадали одложиц стречу, та буде одограна додаточно. Иначе, дружство Лаки тераз пето на табели з 15 бодох и утакмицу менєй.

Снїг застановел србсколигашох

По двох победох заредом, футболери Оџакох, хтори змаганя у Србскей лиги, ґрупа Войводина, а хтори маю седло у Кули, минули викенд мали гостовац у Панчеве и зиграц утримок з дружтвом Железничара. Але, хаснованє злого часу Футболски союз Войводини одложел цале 18. коло першенства, та кулски Оџаци утримок у Панчеве зиграю 1. априла. У перших двох колох Оџаци найпрвей победзели Радничкого у Шиду з 5:0, а потим Дунав з Старих Бановацох у Кули з 5:1, и з 28 бодами су тераз седми на першенственей таблици.

МЛАДОСТ ПРЕПУЩЕЛА «ФЕНЄР»

У 18. колє пренства у Сомборскей окружней лиги футболери Црвенки, котри су другопласирани тим тей лиги, у Оджаках победзели Гайдук јуниор з 3:1. Стрелци за Црвенку були Кишюгас, капитан Милан Суботич и Керекеш. У дерби заостатку, котре одогране у Крушчићу, Младост, до того стречаня послєдна на табли, победзела дружство Херцеговца з Гайдобри з 2:1 и так гостям препущела «фенєр». Голї за Младост дали Радак и ПапКула на Гедеру поражена од ведущого Станишича з 1:0. Русин у Руского Крстура з дружину Будучносци з Младенова грал нєрешено 2:2, зоз замерку арбитром, бо гости обидва свої голи дали по одсудзених пеналтих. Голи за Русин дали Чизмар и Ђукановић. Наш пети представитель Липар мал гостовац у екипи Стари град у Бачкей Паланки, алє домашнї нє могол на час оспособиц терен, та жадал одкладац утакмицу. Так утакмица Стари була одограна у стреду, алє зоз оглядом на то, же текст уж бул оддани до штампариї, тот резултат нє маме. Црвенка друга на табели з 38 бодами, Липар седми з 23 бодами и утакмицу менєй, Кула єденацта з 17, Русин дванацти з 14, а Младосц чоторнадца на табели з 8 здобутими бодами. У приходзецим колу Црвенка витує Славию з Пивницох, Липар будзе домашнїк водеци Станишичови, Кула идзе на гостованє до сомборского ЖАК-а, Русин гостує у Герцеґовцу у Гайдобри, а Младосц з Крушчича у приходзецим колу вольна.

ПОЛЕТ ПРЕУЗЯЛ ВЕРХ

У 13. колу првенства у Сомборскей лиги, перши клас, футболєри Полєта у Сивцу победзели екипу Омладинца з Деронєв з 3:1. Дворазови стрелац за Полєт бул Вукашинович, а єден гол забил и Боснич. Сивчани вицагли корист з киксу Радничкого з Раткова, котри до того кола водзел, и з 32 бодами преузели перше место. У приходзецим колу Полет идзе на гостованє до Єдинства у Рибареву.

ҐОЛ У НАДОКНАДИ

Почал ше ярни часци првенства у Сомборскей медзиопштинскей лиги, друга класа. Кульски футболски клуб КФК на ярней премиєри пред своїма фанушиками на Гедеру грал нєришено 1:1 з Панонию з Лалича. Стрелац за КФК бул Милан Чичаа треба повесц и то, же госци дошли до вирунююцого голу у надополнєню часу. З 14 бодами КФК є у стредку табели, а у наступним колє иде до Граничара у Ридзицу.

ПОБЕДА ГАЙДУКА

Успишни були футзалери Гайдука, котри у 15. колу чемпионату у Футзал лиги Войводини пред своїма прихильниками победзели екипу Кральєвича з Качарева з 4:2. Голи за Гайдук дали Боговачки, Киш, Хусак и Исаков. Футсалери Гайдука су осми на табли з 18 бодами, а у приходнім колу гочую дружству Бечей 2003, котре водзи на чемпионатней табли.

РАЗ У ПРОДУЖЕНЮ

Кошаркарє Гайдука у 22. колу првенства у Првей српскей лиги на гостованю у Бачкей Тополи програли Тополи з 94:91, аж по додатних пейц минут, бо стреченє у регуларней часци закончело ше нєришено 83:83. По тим нєуспеху кошаркарє Гайдука су девяти на таблїци з резултатом 9 побед и 13 поразох, а у наступним колу дочекую дружство Словена зоз Руми.

СТАРА ПРИПОВЕДКА

У 22. колє првенства у Другей сербскей лиги половични учинок наших представнїкох. Кошаркаре Сивца як домашнїки у Црвенки пребили Спартак ОКК зоз 88:77. Сивчани ришели дуел у першим полочасу, котри закончели у свою корист зоз 50:27. Кошаркаре Црвенки на гостйованю у Бечиє преграли од Тиси зоз 89:65. Сивацки кошаркаре дїля друго место на таблици зоз 19 виграшох и 3 прегратох, док Црвенка є предпослїдна зоз 3 виграшом и 19 прегратох. У наступуюцим колу кошаркаре Сивца пойду на гостйованє Кадету до Нового Саду, а Црвенка дома хаснує екипу Слободзе, тиж з Нового Саду.                

ЗАБЕШПЕЧЕНИ ОПСТАНОК

Одбојкарки Гайдука у 12. коле првенства у Першей войводинскей лиги ґрупа север, як гостю, у Силбашу победзели екипу Соко з Гайдобре з 3:1. Кулянки перши сет ришели у свою корист з 25:19, други програли з 25:13, треци здобели з 25:18 и штверти з 25:19, и так здобели вельми важну победу, котра их дефинитивно оставя у Войводинскей лиги. Одбојкарки Гайдука су осми на табели з 9 бодами, а у насамошнїм коле дома приймаю екипу ЦВС з Сомбора.

Ђ.Боянич