Спортска наява

Футбол и тот викенд будзе у центру позорносци любительох спорту у кулскей општини.

На програму штварте коло першенства у Сомборскей подручней лиги у хторей ше змага шест клубох зоз нашого обтшества. Три наши представнїки пойду на терен у соботу, а три у нєдзелю. У соботу Хайдук юнїор у Кули будзе витаковац екипу Будучносци з Младенова. Куляни су ришени же зоз вигру одплатя за пораз у Црвенки. Младосц будзе у Крушчичу у комшовским дербию у соботу витаковац екипу Борца з Бачкого Грачацу. Поштурени вигру у минулум коле, остварену на гостованю, Крушчичани навесткую нови успих. И футбалїсти з Липару завтра пойду на терен. Липарчани идза на гостованє к водзачому Станишичу и будзе то дерби кола, бо ше стречую двоми непоражени екипи у дотерайшней часци першенства. Липарчани су свесни же домашнї ма предносц, алє ше нє буду лєгко предавац.

У нєдзелю футбалери Кули на Гедеру буду гостиц дружину ЖАК-а з Сомбора. Вибранци Зорана Маливука записали три поразки и кед хочу утечи зоз дна таблїци, муша победи. И футбалери Русина з Русского Крстура су у подобней ситуациї: по трох поразкох по шоре у нєдзелю дочекаю дружину Герцеговца з Гайдобри. Шести наш представител, дружина Црвенки, у нєдзелю гостує у Пивници, дзе ше стретує з Славию. Тот стречок будзе прави тест за футбалерох Црвенки, котри маю три перемоги по шоре, та зоз розума розуме ше же и у Пивници хочу продовжиц успишну серию. Стречи у Сомборскей окружней лиги зачну о 16 годзини.

Того викенда на програму будзе друге коло першенства у Сомборскей медзиопштинскей лиги перши клас, у котрей змаганя футболери Полета зо Сивца. Сивчани у нєдзелю буду гостовац у Дероњох, дзе одмера буду сили зо дружтвом Омладинца. И стреча у Дероњох будзе почати у 16 годзини.

И осми наш футболски колектив, а словo є о кулском футболским клубу КФК, виходзи на терен. Наиме, зачина ше першенство у Сомборскей међуопштинскей лиги други розряд. КФК у недїлю гостує у Лалићу, дзе ше стретне з Панонийов. Стретнуце зачне о 16 годзини.

Наши рукометни дружтва буду днї викенда хасновац на то, же преко контролнїх утакмиц перевера, цо дотераз зробели у припремним периодзе. Так рукометари Црвенки, члени Супер Б лиги, завтра буду гостовац у Бачкей Паланки, дзе одограю дружтвену стречу зо дружтвом Лавова. Дуел Лавова и Црвенки завтра буде почати у 12 годзини. И друге црвенчанске рукометне дружтво, Лаки, член Першей лиги, завтра буде грац контролну стречу. Избрани дружини Зорана Ловре завтра у Црвенки буду гостїц дружтво Ядрана з Фекетича, а стреча буде почати у 11 годзини. Рукометари Сивца, члени Першей лиги, завтра буду гостовац у Апатине, дзе одмера буду сили зо дружтвом того истого мена. Стреча рукометарох Апатина и Сивца буде почати у 17 годзини и 30 минутох.

Ђ.Боянич