Спортска хроника: зачали футболери, „Войводина“ победнїк мемориялу „Радисав Рабренович“

Наши футболни колективи успишно зачали нову првенствену сезону. Зоз седем тимох, победства на старце бою за бодзи осягли аж пейц, єден ремизовал, а лєм єден бул поражени. Учинок тим значайнєйши, бо зоз тих седем лєм два були домаци у премиєрних сретаньох. Но, пойдме по порядку.

У першім колє првенства у Сербскей лиги ґрупа Войводина футболисти Гайдука гостовали у Станишичу и записали победу од 1:0. Подля слов тренера Гайдука Желка Рачича, він нє найзадовольнєйши з витвором своїх вибраних гравцох у першым полочасу, бо грало ше зґуто, пребуяч осторожно, а у другым полочасу то було значно лєпше, и як круна лєпшей гри у другей половини пришол и победни гол, котри у 57. минуте забил новак пришедши з Црвенки Миленко Бабич. Куляни мали шанси забиц ше який гол и покойно дочекати конец, алє и „минималец“ є сладки. У наступацим колє Гайдук 1912 пред своїма пристаниками дочека екипу Омладинца з Нових Бановацох.

У премиєрних стречох у Сомборскей окружней лиги клуби з општини Кула здобули дви побиди и реми.

Футболисти Црвенки у першім колє првенства на гостованю у Кляичеву перемогли екипу Кордуна з 1:0. Значно моцнєйши у одношеню на предходну сезону, бо до екипи пришли Радманович, Фачол, Зелич, Петрич, Ивич, вибраници тренера Горана Шушиловича здобули победу у Кляичеву з голом Филипа Фачола, котри зо слободного удару у 76. минуте перемогол голмана Кордуна и принєсол победу Црвенки. Обрадовали и футболисти Липара, котри на гостованю у Бачу перемогли Тврдяву з 3:2, полочас 2:1 за Тврдяву. Липарчани, з тренером и гравцом Марком Джоровичом на челе, та зо искушеним Човином, два рази були у резултатнoм минусу, алє показали характер и на концу здобули победу. Ґоли за Липар у Бачу забили Йованович, Човин и Марко Лалич буквално у остатнїх хвильох стрета. Наш третї представител у Сомборскей окружней лиги Русин у Руского Крстура з екипом Будучносци з Гложана грал нєрочно 1:1. Вшитко, чо вартно видзиц, було у перших пятнац ох минут. Гости повели у десетей минуте стрета, а уж у штирнаццей Деян Чарнок уєдначил резултат, котри бул и конечни. У другим колє првенства у Сомборскей окружней лиги Русин знова домаки: пред своїма пристаниками дочека екипу Соко з Новей Гайдобри, Црвенка дочека екипу ЖАК-а з Сомбора, а Липар идзе на гостованє до Будучносци у Гложан.

У першім колє првенства у Сомборскей медзиопштинскей лиги першого розреду приємно преважели футболєри Младосци з Крушчица, котри дома перемагали дружину Раднїцкого з Сомбора з 2:1. Ґоли за Младосц дали Ґрдинїч и Шуман, а треба истакнуц же победа Крушчичанох могла буц и убедлївша, бо млади Килич пропущел реализацию пенала. Кула на Гедеру перемагала ОФК Оџаке з 2:0, а стрелци за Кулу були Циврич и Давидович. Єдинї, котри нєуспешно зачали сезону, були футболєри сивацкого Полета, котри на гостованю у Бачком Брегу програли Динаму з 4:2. Ґоли за Полет дали Вукович и Вукашинович. У другим колє првенства у Сомборскей медзиопштинскей лиги першого розреду Младосц у Крушчику прийма Динамо з Бачкого Брега, Полет у Сивцу домаци Задругару з Србского Милетича, а Кула иде на гостованє Омладинцу до Деронє.

У Крушчићу одруцили шми по реду седми Мемориялни турнир „Радисав Рабренович“ у категориї хлопци до 12 роки. Победнїк турнира дружина новосадскей „Войводини“, друге место припало дружини „ТСЦ“ з Бачкей Тополи, а третєпласований суботицки „Спартак“. Милан Чабрич, бивши функционер „Войводини“ з Нового Саду и приятель Радисава Рабреновича, наглашел же велї дїводни зоз организацию и концепцию турнира, як и же Радисав Рабренович заслужел вше то. Гост турнира бул Миодраг Пантелич, бивши првотимац „Црвене Звезди“ и репрезентант Югославиї, котри повел же баш таки турнири обезпеча опстанок футболу у селских штредкох.

Тот викенд у фокусу були и тениски подїї, та так у Кули одогране Отворене првенство Кули. Такмичаре змагали ше у двох категориях, зелени-10 и црвени 6. У першуй категориї при хлопцох победнїк Милош Кеча з Тенисного клуба „Кикинда“, а другопласирани Душан Херор з тенисного клуба „Елита“ з Инґиї. При девойкох перше место здобула Николина Пешич з Тенисного клуба „Партизан“, а друге место припало Яни Ґуяници з Тенисного клуба „Тиса“ з Бечея. У категориї црвени-6 хлопци и девойки виступели заєдно. Перше место припало Марку Джокичу з Тенисного клуба „Црвена Звезда“ з Беоґраду, друге место здобул Новак Корач, член Тенисного клуба „Гайдук“ з Кули, а третє место Денис Ґрґурич, так же з „Гайдука“. Тренер екипи „Гайдука“ Владан Вуєвич истакнул же презадовольни з резултатом своїх питомцох, з оглядом на то же турнир привлечел такмичарох зоз вшех векших мест нашого штату, а присутни бул и єден такмичар з Франциї.

Кошаркашки клуб „Хајдук“ є вельо активни на трансферним тржиску и вецей гравци здобули їхову опрему. Найновше поцагнєнє є Вуксан Гаговић, хтори у дотерашнєй карєри грал за „Металац“ з Ваљєва, „Јагодину“, „Пролетер“ з Зрєнїнина, „Врбас“ и „Грађански“ з Биєлїни, док последнїх пейц сезони грал у Француской.

Нєдзельне преполуднє прешло у знаку спортского риболову, та так у раних ранїх годзинох, аж по полуднє, одробени 4. Бас куп. Найуспешнєйши такмичар бул Дарко Мондом з Црвенки, котри уловел баса од 1350 ґрами и здобул перше место, друге место здобул Драґан Стоїчич, котри уловел аж 4 баси зоз общу важносцу 1255 ґрами, док третє место зоз двома басами общої важносци 1105гр Павле Лико. И того року куп бул медзинародного характера, бо, так як и поши року, пришли риболовци з Горватскей. Докопче уловене 29 куски тей риби.

Ђ.Боянич