Гандбалисти Црвенки записали нову поразу

Гандбалисти Црвенки записали нову поразу у першенстве АРКУС Суперлиги Сербиї. „Виверки“ су вочера, у одложеней утримки шостого кола першенства у свойой хали були поражени од Пролетера з Зрењанина з 33:25. Лєм у перших двадесец минут утримки видзена ровноправна гра, и у тим периодзе Црвенка мала нїколко нагоди одийсц на три голи предносци, алє то ше нє стало и по резултату 10:8 за Пролетер у 24. минути гостї робя серию од 5:0 и з предносцу шестох голох 15:9 одходза на одпочивок. Уж теди було ясне же гандбалистом Црвенки нє ма ani сили, а што єще важнєйше ani волї покушац преобрац, та записана убедлїва пораза. Факт же Црвенка виступела ослабена, без зранєних капітана Радонича, младого бека Митровича, пивота Вукадиновича и голмана Каравезича, алє ani їх одсуство нє може буц оправданьом за гру остатка дружтва без волї. Найефективнєйши у дружтве Црвенки бул Милан Бошкович, котри забил 10 голи. Црвенка и далєй последня на таблици, без здобутого бода, а у насампреднїм коле, у суботу, на свойим терену чекує актуалного шампиона Сербиї, новосадску Войводину.

Ђ.Боянич