Рукометарє Црвенки ше пласирали до чвертфинала Купа Войводини

Гандбалери Црвенки ше пласирали до штвартфинала Купа Войводини, бо ше у осмине финала, одограним у Сивци, победзели домашню екипу Сивца з 35:31, полчас 17:16 за Црвенку. Обидвоє екипи до штрета вошли ослабени, без кельких стандардних гравцох, та прето подали гру на уровню шампионатних. У першым полчасу ше грало гол за гол, аж Сивчани у 22. минуте дошли на три голи предносци, кед повели з 13:10. Але потим Црвенка роби шерию од 4:0, переходзи до водзеня и з голом предносци „веверици“ одходза на одпочинок. У другим полчасу лепши початок Црвенки, котра у 33. минуте ма штири голи предносци, водзи з 20:16, але з шерию од 4:0 Сивчани швидко виривнюю, а у 45. минуте здобуваю и два голи предносци. Гандбалери Црвенки ше нє предавали и у 47. минуте виривнюю, а потим у 58. минуте одходза на три голи предносци, а после рутиноване приводза штрета до конца. Найефективнєйши гравец у редох Сивца бул Марко Чабаи з 15 постигнутих голох, а у екипи Црвенки Войин Чабрило з 10. Але за гравца штрета проглашени член Црвенки Вук Перович, стрелац девец голох. У штвартфиналу Купа Войводини гандбалери Црвенки одмеря сили з Врбасом.

Куп сусрет у Сивцу бул добри приправни матч за чемпионатни сусрети и рукометаром Червенки, и домацим з Сивца. У осмим коле чемпионату у Супер Б лиги Сивац 69 гостує завтра у Беоґрадзе, дзе од 20 годзини и 30 минут змиша ше з Воздовцом, а рукометари Червенки тиж так завтра од 19 годзини у Великей Плани граю з послїдньопоставену Мораву.

У осмим колє чемпионату у Првей лїґи за рукометарки обидва наши представнїки гостюю. Женьски рукометни клуб „Круле“ з Сивца завтра од 19 годзини и 30 минути у Темерину змеря сили з екипом Темерина, док црвенска екипа Лаки у нєдзелю гостує у Ябуки. Тот стреченє зачне ше у 20 годзини.

Наява футболових подїй

Футбалари Гайдука у 14. коле чемпионату у Сербскей лиги, ґрупа Войводина, приймаю екипу Феникс з Старей Пазови. Кед ше знає же до Кули приходзи лидер, ясне же футбалари Гайдука буду мац тяжку роботу. Але нє маю вибору, бо лєм з позитивним резултатом можу избегнуц пад до послїднього места на табели. Сусрет футбалерох Гайдука и Феникса з Старей Пазови будзе одграти на стадиону „Милан Среданович“ завтра, а зачне ше о 13 годзини.

У чтирнацтим колє першенства у Сомборскей окружней лиги вшитки три дружтва з нашей општини гостюю. Футбалери «Русина» з Руского Керестура будуть завтра гостї трецих на табли «Полета» у Каравукову. Футбалери «Липара» у нєдзелю у Младенову одграю сусрет з «Будућносцу», а колишнї першолигаш «Црвенка» будзе у нєдзелю у Силбашу грац проти «Нашей звизди». И тоти сусрети зачну ше у 13 годзин.

Послїднє коло першенства у Сомборскей медзиопштинскей лиги перши розряд обзнача два дербія: општински, бо у Крушчичу ше стрекну Младосц и Полет з Сивца, а и дерби єсенї, бо у Оджакох ше стрекну другопоставени ОФК Оджак и водзейша Кула. Тоти стрекнуца на програму у нєдзелю, а зачну ше у 13 годзини.

Кошаркаре Гайдука у седмим колє првенства у Републичней лиги Сербиї, ґрупа север, идзе до Новей Пазови. Тренер кошаркарох Гайдука Данило Борович гвари же у Новей Пазови буду ослабени, бо буду хибиц Дюрович, Лєшевич и Мандич, алє то будзе нагода другим гравцом нарадзиц їх хибенє, забелєжиц победу и так забуци поразку з предходного кола. Зустрит кошаркарох Новей Пазови и Гайдука у Новей Пазови буде одогране завтра, а зачне ше у 17 годзини.

Того викенду на програму пете коло одбојкарского першенства. Одбојкари «Гайдука», члени Другої лиги, вечар приймаю дружтво «Пролетера» з Зренянина. Куляни у дотерашнїй части сезони нє здобули ани єдного бода, та волаю глядачох же би вечар пришли у чим вецим числу и помогли им здобуц перши боди. Сусрет одбојкарох «Гайдука» и «Пролетера» з Зренянина будзе у дворанї Основней школи «Петефи бригада» вечар зачнуц у 20 годзин.

Волейбалерки Гайдука у пейтим колу першенства у Першей войводинскей лиги гостую у Суботици дзе их чека дуел з екипом Вин волей. Доста повесц же волейбалерки Вин волея ведуце на таблици, та є ясне хто фаворит у стречаню котре будзе у Суботици одогране у нєдзелю, а зачне ше у 11 годзини и 30 минути.

У осмим коле шампионату у Првей войводянскей лиги кегляри Гайдука, як домашнї, у Врбасу дочекаю ведуци Кристал з Зренянина. Штрет будзе у кеглярнї Центра за физичну културу „Драго Йовович“ у Врбасу одограни у нєдзелю, а зачнє ше у 16 годзини.

У недзелю у Кули, у дворани Основней школи „Бригада Петефи“, под покровительством Рвачкого греплїнг союза Сербиї, у технїчней организациї Клуба борбових спортов „Констриктор фајт тим“ Кула будзе одограни интернационални, по седми раз, Куп Сербиї у греплїнґу. Змаганя у недзелю зачну о 11 годзини, кедз свойо умециє предкажу младши змаганяре, а од 15 годзини зачнє сениорски програм.

Ђ.Боянич