Гандбалери Црвенки випали до нижшого ранґу змаганя

Минули спортски викенд обележел конєц плей-ауту у гандбаловей АРКУС Суперлиги Сербиї, по котрим гандбалери Црвенки випали до нижшого ранґу змаганя.

И пред стречу остатнього кола плей-аута було ясне же „веверички“ страцили статус члена АРКУС Супер лиги Сербиї, та стреча з Шамотом у Аранджеловцу була лєм одробованє обовязку. Шамот уписал победу з 43:35, полчас 22:21. Седемдзешатосем забитих голох указує же оборони нє було. У першім полчасу Црвенка часто водзела, у 27. минуту водзела 21:18, алє потим домашнїки виробели серию од 6:0, преузяли водство и до конца стречи лєм звекшовали здобуту предносц. Црвенка проти Шамота грала без келько стандартних першотимцох, а наефикацнєйши у дуелу з Шамотом були Николич и Бошкович з по 7 забитих голох. Црвенка закончела плей-аут на остатнїм месце з 8 бодами, а у шлїдуюцей сезони будзе змагац ше у Супер Б лиги.

У Супер Б лиги змагаю ше рукометари з Сивца, котри у 19. колу првенства на гостйованю у Индзиї победзели домашню екипу Индзию з 28:26, полчас 12:10 за Сивац. У першім полчасу ше грало гол за голом, а по резултату 9:9 рукометари Сивца виробели шор од 3:0 и на одпочивок одходза з двома голами предносци. У другім полчасу змирацови тренера Бранка Жежеля „додали газ“ и у 50. минуту повели з шестома голами предносци — резултат бул 24:18, и теди було ясно же запишу победу. У тиме Сивца наефикацнєйши бул Марко Чабай, котри забил 14 голи, а за гралєра стречи проглашени голман Сивца Марко Максимович. Сивац 69 шицки шицкого на таблици з 20 бодами, а у шлїдуюцим колу приявя екипу Лавов з Бачкей Паланки.

У 19. колу првенства у Првей лиги за рукометарки екипа Лаки у Црвенки препала Темерину з 34:23, полчас 18:13 за гостї з Темерина. Резултат указує же екипа Темерина у шицких сегментох надгруала младшу екипу Лаки и заслужено победзела. У екипи Лаки наефикацнєйша була Николина Зорич з 6 забити голи. Лаки тренутно девята екипа на таблици з 6 бодами, а у шлїдуюцим колу првенства идзе на гостйованє к екипи Ядрана з Фекетича.

Футболєри Гайдука у 34. колу првенства у Србскей лиги ґрупа Войводина на своїм терену у Кули победзели тим Бечея з 4:3. Што зоз того стречованя заслугує увагу, то факт же голи за тим Гайдука постигли вши млади, такзвани бонус играчи: Шушняр, Муминович, Божович и Богичевич. Гайдук є тераз дванадцати на таблици з 48 бодами, а у наслядуюцим колу идзе на гостованє к Єдинству до Старей Пазови.

У 30. колу првенства у Војводинскей лиги ґрупа Север футболєри Црвенки на своїм терену препущели од Байши з 1:0 и так значно зменшели шанси же у остатней чашки сезони збережу статус војводинского лигаша. Факт же Байша и пред стречованьом була фаворит, бо є друга на таблици, а гости ту роль и оправдали. Црвенчани мали у першым полувремену двох файных нагодох преїсц до водства, алє Бешич и Бабич нє були точни, а у другым полувремену пришла кара. Хибу домацей оброни казнил гравец Байши Шавия и голом принєсол победу своїм тимом. Црвенка є тераз пейцнадцата на таблици з 30 бодами, а у наслядуюцим колу идзе на гостованє к Войводини до Товаришова.

Футболєри Русина з Руского Керестура прекинули серию девец стречовань без победи, бо у 30. колу првенства у Подручней лиги Сомбор на своїм терену победзели БСК з Бачкого Брестовца з 3:0, а голи постигли Кулич, Сајанкович и Джуканович. Русин є тераз штварти на таблици з 46 здобути бодами, а у наслядуюцим колу идзе на гостованє к Тврдзави до Бача.

Двадцатитреце коло змаганя у Сомборскей Меджуопштинскей лиги, перша класа, обележело општинске дерби у Крушчичу, у котрим Младосц победзела Липар з 2:1 и так здобула значни боди у борби за опстанок. Голи за Младосц дали Фекете и Вукович. Треба спомнуц и то же Фекете при резултату 1:0 за Младосц пропущел можлївосц зо пеналу звекшац то предводство. Гол за Липар дал Никола Вукович. Кула на Гедеру прешла од ведущого Брацтва з Пригревици з 6:0, а Полет з Сивца у Алекси Шантичу прешол з 2:0 од домацей дружини Алекса Шантич. Липар други на таблици з 52 бодами, Полет пети, а Кула шеста з по 32, а Младосц одинадцета з 16 бодами. У наступним коле ше гра нове општинске дерби: у Липаре ше стретаю Липар и Кула, Полет у Сивцу прицвита ОФК Оджаке, а Младосц иде на гостованє до Тереквеша у Свилойеву.

Дуже значну победу здобули одбойкарки Гайдука, котри у дерби десетого кола Другої войводянскей лиги як домаци победзели ведущу дружину Бечея з 3:1 у сетох. Бул то занимлива одбойкарска представа, котру предвели двоє найлєпши дружини у лиги. Перши сет виграли одбойкарки Гайдука з 25:17. У другим була драматична завршница, котру одбойкарки Гайдука виришели на свою сторону з 27:25. У третей сет гощи доминовали и виграли го з 25:14, а у штвартим сете знова була драма, ал одбойкарки Гайдука показали сильнєйши нерви, сет виришели на свою сторону з 25:23 и так ше одвєтели дружини Бечея за пораженє у першой часци сезони. За гру заслужує похвали Йована Стелїч, котра при стабильней приямци уписала и 15 поени, а вирознила ше и подавачка Уна Пєшчич. Одбойкарки Гайдука и далєй друге на таблици з 22 здобутими бодами, два менєй од Бечея, ал и зо ше єдним незограним матчом, та кед го одограю, буду мац можлївосц победу превадзиц на лидерску позицию. У наступним коле одбойкарки Гайдука дома прицвитаю дружину «Елан Волей 2» з Србобрану.

Ђ.Боянич