Розпорядок футбалских подїй прек викенд

Днєска є на програму општински футболни дерби, котри ше гра у рами третього кола першенства у Сомборскей окружней лиги. У Црвенки зостану ше Црвенка и Гайдучик јуниор з Кули. Црвенчани, новачки у Окружней лиги, файно зацали сезону, здобувши два победи, и сигурно же пред своїма навиячами буду хцец наставиц тот победни ряд. З другого боку, Гайдучик јуниор хце добру гру показац и потвердзиц свої амбициї за високе место, а то су елементи котри указую на то же нас чека вельми занимливе и неизвишене стретнуце. Стретнуце Црвенки и Гайдучик юниора на стадийону Црвенки днєска заче о 16 годзини и 30 минути.

Остатнї нашо окружни лигаши пойду на терен завтра и позавтра. Футболери Кули завтра гостюю у Станишичу. Домаци ма максимални учинок у перших двох колох, док медзи тим Кула записала два пораженя, та розумиво же Станишич фаворит. Липар у недїлю пред своїма глєдачами вита екипу Стари град з Бачкей Паланки и по двох уводних ремизох Липарчани ришени записац першу вигру. Младосц зоз Крушчичу у недїлю иде гостювац екипи Герцеговца до Гайдобри, док Русин зоз Русского Керестура, тиж у недїлю, будзе гостём Будучносци у Младенове. Шицки тоти зозмаганя зачну о 16 годзини и 30 минути.

Днєска, у рами 24. по реду Мемориялного турнира „Слободан Вилотић Ћеле“, котри Футболни союз Сербиї орґанизує на знак памета на того славного тренера и футболного учителя, на стадийону у Кули одгра ше стретнуце омладинских репрезентаций Израела и Мадярскей. Роз дума о игрокох народзених 1999. року и младших. Покрај того стретнуца, котре днєска заче о 17 годзини, а улаз є вольни, Футболни клуб Гайдучик јуниор, з покровительством општини Кула, будзе мац чесц буц домацином и на стретнуцу омладинских репрезентаций Сербиї и Украйини, котра будзе завтра. И то стретнуце, котре завтра одгра на стадийону „Милан Средановић“, заче о 17 годзини, з вольним улазом.

Ђ.Боянич