Розписани два явни конкурси за додзельованє ненавратних стимулацийних средствох за реализацию проєктох хаснованя сонєчней енергий у заливних системох и штедлївей явней освитї у локалних самоуправах…

Розписани два явни конкурси за додзельованє безповратних подпоранских средствох за реализованє проєктох применки сонєчней енергиї у заливаюцих системох и штедлївей явней розсвити у єдинкох локалней самоуправи

Покраїнски секретарият за енергетику и минерални сировини розписал два конкурси за додзельованє безповратних подпоранских средствох, и то за кофинансованє реализациї проєктох применки сонєчней енергиї у заливаюцих системох и за реализованє проєктох штедлївей явней розсвити у єдинкох локалней самоуправи. Обидва конкурси розписани 2. септембра 2015. року, а крайни рок за подношенє пријави 22. септембар 2015. року.
Право участвовац на першым конкурсу маю физични особи – носителє реґистрованих польопривредних газдинствох з териториї Автономней Покраїни Войводини, з цильом реализованя проєктох застосованя сончней енерґиї у системох за полїванє, и то за набавку и монтаж нових сончних пумпних системох за полїванє (фотоволтайчни панели, сончна водна пумпа з контролером, акумулатор) и остальных пратецих електро и машинских уредох, за уградзованє енерґетски ефективнєйшого уреду за хаснованє сончней енерґиї за полїванє, як и за зменшанє трошкох за енерґенти, зменшанє зависносци од увозу фосилних паливох и змаганє енерґетскей самостойносци польопривредних газдинствох. Так ше помага зменшац емисию шкодлївих газох до околїни, алє и афирмовац хаснованє обновлїмних жерел енерґиї и ревитализацию стредок за полїванє при реґистрованих польопривредних газдинствах.
Укупна сума за роздїлованє средствох 12.000.000,00 динари. Максимална сума средствох, хтора ше додзелює на єден проєкт, 800.000,00 динари.За други Явни конкурс за кофинансованє реализациї проєктох штедлївей явней розсвити видвоєне 22.000.000,00 динари, а максимална сума средствох, хтора ше додзелює на єден проєкт, 5.000.000,00 динари.
Безповратни подпорански средства, хтори ше додзелюю, мож хасновац на кофинансованє проєктох єдинкох локалней самоуправи з териториї Автономней покраїни Войводини за реконструкцию явней розсвити, и то за замену екзистуюцих лампох и монтаж лампох з штедлївим жридлом шветла и припадаюцу опрему, як и за замену екзистуюцих лампох и монтаж лампох з штедлївим жридлом шветла и набавку и монтаж системи за управянє явну розсвиту, з припадаюцу опрему.
Линк за зниманє документациї: http://www.psemr.vojvodina.gov.rs/index.php/konkursi