Розписани конкурс за реализацию сто поднїмацких идеї

Сто перспективних поднїмательских идеї будзе мац можлївосц реализовац у рами нацияналного конкурсу "Покренї ше за роботу", з подшорку компанїї "Пхиллип Моррис". Седми рокови конкурс щем отворени и будзе траяц до 29. фебруара 2016. року.

Тот конкурс помага людзом з добру и одрживу поднїмательску идею зачнуц або удосконалїц власни мали бизнис, а вше з цилю зменшаня нєзамесканосци и охрабранє людзох, же ше пустя до поднїмательства.

Поднїмательство є главни покретач економского прогресу у Европи и швеце, и розпознате як ключна карика за обнову господарства у Сербиї, наглашую у компанїї „Пхилип Морис“.

- Тискущи людзох хтори ше каждого року приголошую на наш конкурс най лєпши показатель же у Сербиї є доста поднїмательского духу, алє людзом потребна поддрика и подстрек - повела Єлена Прерадович Стеванович зоз компанїї "Пхиллип Моррис".

Она повила же потребне доста шмелосци и вери у власну идею, а тот програм помага заинтерсованим обачиц потримовану опрему и достац одвитуюци обуки и совитодавну помоц, жеби ше як найлєпше припремели за оштру тргову борбу.

- Факт же ше у протеклих шейсцох рокох преку програм „Покренї ше за роботу“ помогли започаць 490 малих и фамилийних поднїмань, и так обезпечели роботу за вецей як 1.500 людзох, а же вше предузимства ище успишно послують, найлєпши су подстрек каждому хто розмишля чи подац пријаву на конкурс - заключела Прерадович Стеванович.

"Покренї ше за роботу" реализує нєвладна орґанизация "Енеца", а значенє и добри резултати конкурсу за предходних шейсц рокох обезпечели подшорку и велькому числу партнерох. Так и того року Нациянална служба за замешканє, як єден з клюбних партнерох, прек свою мрежу филиялох и канцеларийох будзе информовац нєзамешкани особи и поможe им з пријавйованьом за програму.

Подробнєйши информациї о конкурсу, способе приголошованя, як и сам формулар приголошованя на конкурс мож найсц на сайту.

Извор: кула.рс