Роботи у финишу: Нова Црвенка скоро зоз цалком нову водоводну шицку

Предсидатель Општини Кула Дамян Милянич навщив населєне место Нову Црвенку, а повод навщиви було закончованє роботох на замену водоводней мрежи. У попредходним периодзе водоводна мрежа заменєна на половини териториї населєного места, а по закончованю тих роботох Нова Црвенка будзе комплетно покрита нову водоводну мрежу. Як припоминанє, Општини Кула додзелєни средства у суме приблїжно 28 милиони динари за финансованє проєкту „Будова водоводней мрежи у населю Нова Црвенка – закончованє першой фази и друга фаза“. Предсидатель општини подчеркнул же Нова Црвенка найменше населєне место у нашой општини, алє далєко од того же то место дзе найменєй инвестує, и же инвестованє у водоводну мрежу часц єдного всеобнимного инвестиционного циклу. Милянич наглашел и же на шлїдуюци зачинаю роботи на замену водоводней мрежи у Липаре, а подля планох у другої половини априла зачне замена часци водоводней мрежи у населєних местох Кула, Црвенка и Сивац: „Ту у Новей Црвенки практично завршую роботи на замену водоводней мрежи. Финасовани су преко Управи за капитални вложеня и часцово з општинского буџету. Таким способом практично будзе завршена комплетна водоводна мрежа у тим населєним месте. Тиж так, у марцу ше очекує подписованє договору и тим и зачинац роботи на замену водоводней мрежи у Липаре, дзе найвекшу часц средствох обезпечел Покраїнски секретарият за поцивреду, а часц обезпечела локална самоуправа. То велїка робота, кед ше возме до огляду же вредносц роботох вецша як 60 милиони динари, а буду ше робиц и домашнї приклучки. Розписана јавна набавка и плановани початок роботох у другої половини априла на замену часци водоводней мрежи у населєних местох Кула, Црвенка и Сивац. Укупна вредносц вшитких наведзених роботох троха вецша як 400 милиони динари, а конечни циль є заменїц комплетну водоводну мрежу на териториї општини Кула“.