Првомайски спортски викенд бул часцово успешни за нашо спортски колективи

Гандбалери Црвенки у 19. колу чемпионату Супер Б-лїги пред своїма навиячами декласирали Мораву з Велкей Плани, вигравши з 40:25, полчас 21:13. Було то гра кота и мишки, што потвердзує и конечни резултат. Розиграни бекови Феєш и Николич, стандарно ефикасни Бошкович и Рачич, зоз помоцу голмана Павичевича були нерозришну загонєтку за гандбалери з Велкей Плани. Найефикаснєйши у шорох Црвенки бул млади среднї бек Лео Феєш, котри дал 8 голи, и получил епитет гравца стречнуца.

Наш други суперлигаш Сивац 69 на своїм терену у Сивцу прилапел екипу Вождовца, тим котри ше уж розлучел з суперлигашским дружтвом. Очековала ше вигра рукометашох Сивца, алє место двох здобули лєм єден бод, бо матч окончен без виграшца 32:32. Рукометаши Сивца добри зачали, у 21. минути мали и штири голи предносци, кед водзели з 13:9, алє як час минавал, упорни гости зменшовали тоту предносц и у финишу першого часу преходза до водзеня, та з предносцу двох голох – 18:16 – одходзаю на одпочивок. Кед рукометаши Вождовца у уводних минутох другого часу повели зо штири голи розлики, було ясне же вибрани гравци тренера Бранка Жежеля буду мушиц вложиц и остатню капку сили, покля хочу виграш. И так и грали, а як плод такей гри у 59. минути Сивчани повели з 31:30. Гости виривнали, а потим Коларић пятнац секунди пред концом доноши нову предносц Сивцу. Гости одограли такзвани швидки центар, у остатней секунди успели шицнуц, а подля процени судиї гравец котри шицнул бул фауловани, та була одсудзена седмерац, котри гости перетворели на гол за конєчних 32:32. Найефикаснєйши у редох Сивца бул Марко Чабаи з 10 постигнутих голох, а за найлєпшого гравца матчу проглашени пивот Сивца Илиja Коларић, котри постигнул 9 голи.

По деветнацох колох Црвенка пета на табели з 20, а Сивац 69 девети з освоєнима 15 бодами. У насамом колу Црвенка иде на гостованє до Смедерева, а Сивац 69 гост Врбас Петрола.

У 20. колу првенства у Першей лиги за рукометарки млада црвеначка екипа Лаки пред своїма фанушиками перемогла Младосц з Српскей Црнї з 29:27, полчас 13:13. У першим полчасу вибраники тренера Зорана Ловре добре грали, мали и по три голи предносци, алє госци, як ше гвари, стално им „дишали за шию“, успели ту предносц достиц, та на одпочинок ше ишло з нерешених 13:13. У другей половини рукометарки Младосци заиграли сигурнєйше и як утримка поступовала, здобували предносц, та так у 48. минуту мали штири голи вецей, бо резултат бул 25:21 за Младосц. Но, у финишу утримки им понєстало сили, цо млади црвеначки рукометарки хасновали, и з резултату 27:25 за Младосц у 55. минуту творя серию 4:0 и на конец славя заслужену перемогу. Найефикаснєйша у рядах екипи Лаки була Анжели Ловре, котра постигла 9 голи и проглашена за грандзярку утримки.

Наш дружствени прволигаш Женски рукометни клуб „Круле“ зо Сивца бул гостом у Ябуки. Перемагли рукометарки Ябуки з 25:22, полчас 14:12. Сивацки рукометарки на тоту утримку одпутовали лєм зоз седем грандзяркох, дакле без можлївосци замени, а тот детал вплївел на конечни резултат. Утримка преходзела у вирнотей гри, о чим свидочи и податок же у 46. минуту було нерешено 20:20, алє у финишу утримки екипи Круле понєстає сили, рукометарки Ябуки були присебнєйши, постигли пейц, а примели лєм два голи за тих остатнїх шицнац минут и славели перемогу. Найефикаснєйша у екипи Круле була Милица Рабренович з 11 постигнутих голох.

По двадцецох колах чемпионату Круле є седми на табли з 15, а Лаки девети з 12 бодами. У наступним колу Круле у Сивцу дочека Младосц з Србскей Црнї, а Лаки будзе гостиц команду Спартака з Дебелячи.

Наслїдую футболски актуалносци

Футболери Гайдука у 25. колу првенства у Србскей лиги, група Войводина, гостовали у Нових Бановцох, дзе их домаци Омладинац победзел з 3:0, полчас 1:0. Подля слов шефа стручного штабу Гайдука Желка Рачича, то було розчаруюце виданє його вибраних гравцох, а як пришло до того, Рачич видзи причину и у веранє неодвитней психолоґицней припреми свойого дружства, котре слабо настало до дуелу з Омладинцом, за розлику од домацих, котри до утриманя настали агресивно, одважно, з векшей охвоту и цалком заслужено славели. Шеф струки Гайдука Рачич надзея ше, же утриманє у Нових Бановцох було лєм єден слабши дзень, и же у продовженю сезони його вибрани гравци буду подавац квалитетнейши гри. По поразки у Нових Бановцох футболери Гайдука тринадцати на табели з 27 бодами, а у наступуюцом колу пред своїма прихачами приямаю дружину 1. май Рума з Руми.

Футбалери Црвенки продолжаю успешну прольотно трку у Сомборскей подручно-лїги. У 24. колу чемпионату футбалери Црвенки були на гостованю у Товаришеву, дзе премогли домашню Войводину з 3:1, полчас 1:1. Црвенчани повели голом Бабича, а потим нєпотребно ше до їх гри увлєкла доза нервози, што домашнї скористя и на концови першого полчасу дошли до вирунованя. Но, на початку другого часу Йованович приводзи Црвенку до водзества, а по трецим голу, котри Марко Керекеш дал у 70. минути, физично шицко спремнєйши футбалери Црвенки з рутинну гру вписали заслужене вигранє. Русин з Русского Керестура гостовал у Пригревици, дзе од лидера табели, команди Брацтва, претерпел поразку з 5:0. Наш треци представитель у Подручно-лїги Липар на своїм терену претерпел поразку од Радничкого з Раткова з 3:1, полчас 1:0 за Раднички. Стретнуце позначел нападнїк гостий Новович, котри дал хет-трик, а почесни гол за Липар бул автогол гравца Радничкого Кардинала. Футбалери Русина моментално су штварти на табли з 46 бодами, Црвенка є шорнана з 29, а Липар дванадцати з 27 зобити бодами. У наступним, 25. колу нас чека општинске дерби: у Црвенки ше зостану Црвенка и Липар, а Русин у Руским Керестуре будзе гостиц Нашу звизду з Силбаша.

У 21. колу пренства у Сомборскей медзиопштинскей лиги перши розряд, до того кола ведуца Кула була слободна, што скоришцели футболери ОФК Оджак и з победу од 8:1, остварену проти Полета з Сивца, преузели ведзенє на табли, розуми ше, з утриманим змагань вишка. Почасни гол за Полет дао Вукашинович. Футбалери Младосци з Крушчича гостовали у Буковцу, дзе з екипом Омладинца сыграли нєрозлучно 2:2. Свою лєпшу гру у першим полчасу Младосц оконоровала голами Вуковича и Гачевича, та на одпочивок Крушчичани одошли з ведзенєм 2:1, а у другей часци домашнї успели дойсц до вирунаня, та бодови ше подзелєли. Кула друга на табли з 43 бодами, Полет шести з 32, а Младосц девета з 21 бодом. У наступним колу Полет у Сивцу дочека екипу Омладинца з Буковца, Младосц у Крушчичу прими екипу Задругара з Сербского Милетича, а Кула иде на гостованє до Омладинца у Деронє.

Ђ.Боянич