Минули викенд обелєжела убедлїва победа футболерох Гайдука

У 26. колу першенства у Сербскей лиги ґрупа Войводина футболєри Гайдука у Кули гостєли Слогу з Чоноплї и здобули найубедлївшу перемогу у тей сезони. Слогу победзели з 6:0, хоч перши час закончел без голох. Ясне було опредїлєнє гостий же з посилєну дефензиву хцели очувати свой гол, а кед ся указує нагода, з контри попробовац загрожиц голу Гайдука. И у першім часу, док з нїм ше було сили, успели одоловац нападом Гайдука. Но, кед на початку другого часу Милош Маноилович зацал завадзиц до мрежи Слоги, гра гостий цалком ся розпала и розиграни Куляни то покарали ше зоз пейцима голами: окрем Маноиловича голи дали и Матиевич, Бранислав Маноилович, капетан Вукович з пеналу, Мацанович и Лачарак.

Гайдук є моментално єденадцати на таблици з 38 бодами, а у насамнїдшим колу идзе на гостованє до Слободи у Нових Козарцох. Знимок змаганя Гайдук – Слога з Чоноплї можете поглєдац на програми КУ телевизиї днеска вечар по вестох у 20 годзини.

Футбалери Црвенки у стречу 22. кола першенства у Войводинскей лиги, северна ґрупа, як домашнї преграли од дружтва Младост АПА з Апатина зо 5:3. Треба мац на розуме факт же Црвенка у дуєлу з Апатинацами виступела ослабена, без потераних голманох Гостовића, и Зелића та Марка Керекеша, што ше сигурно одразело на гру, а дружтво Младосци вмело тоту перешкоду виужиц и виграц. Црвенчани повели голом Бабића, та потим Апатинаци постигли штири голи, а два голи капетана Црвенки Милана Суботића з пенала унєсли дозу драматики. Та ж, по промашаю Божичића, гости постигли пейти гол и обезпечели вигру. По тей прегри Црвенка є штирнаеста на табели зо 24 здобути боди, а у следующом коле идзе на гостованє до ведуцих Текстилца у Оџаци.

Другу прегру зоз шлєдущих записали фудбалери Русина з Руского Крстура. После того, як на своїм терену програли Омладинцу з Буковца, у попреднїм, 22. колу првенства у Сомборскей окружней лиги Русин на гостованю у Сомбору програл ЖАК-у з 2:1. Данойовичов гол у финишу змаганя лєм зменшал прегру гостююцого дружтва. Русин є моментално штварти на таблици з 41 здобитим бодом, а у насамнїдшим колу идзе на гостованє до дружтва Будучносц у Гложану.

У 17. колу першенства у Сомборскей медзиопштинскей лиги першей класи три клуби з нашого општинского округу гостовали, а врацаю ше зоз двома победами. Другопоставени Липар гостовал у Свилоєву и победзел домацого Тереквеша з 3:0. Голи за Липар дали Мијић, Лалић и Тутић. Победзели и футболери Кули, котри гостовали у Рибареву, дзе їх витала дружина Єдинства. Як повеце тренер Кули Слободан Кукољ, у барз тяжкей утакмици його вибраници нашли сили и евроголом Бабића оконали свою лєпшу гру, победзевши Єдинство з 1:0. Полет з Сивца на гостованю у Стапару програл домацому Хайдуку з 5:1. Почасни гол за Полет дал Мирослав Варга. Наш штверти представнїк на тей уровни змаганя, Младосц з Крушчица, у тим колу була вольна. Липар и далєй други з 39 бодами, Кула третя з 31, Полет шести з 25, а Младосц и далєй послєдня з 4 бодом. У насампредуюцим колу на програму општински дерби: Кула на Гедеру витує Младосц з Крушчица, Липар будзе витовац дружину Омладинца з Дероня, а Полет у Сивцу домацинує Дунаву з Бачкого Моноштора.

Поки рукометаши Црвенки, члени АРКУС Суперлиги Сербиї, одпочиваю до 17. априля, преходного викенду грали рукометаши Сивца и рукометарки дружини Лаки з Црвенки, и обидва клуби записали пораз.

Рукометари Сивца на гостованю у Смедереву, у стречу 15. кола першенства у Супер Б лиги, преграли од Смедерева зо 33:29, половка 16:11. Дружтво тренера Бранка Жежеља ишло до Смедерева без капетана Калича и двох середнїх бекох Славулици и Џабасана и було ровноправне перших двацец минут стречу, кед резултат бул 12:10 за Смедерево. Потим домашнї правя серию зо 3:0, здобуваю предносц пейц голи и з тей розлику одходза на одпочивок. Початок другой половки прешол у цалковитей доминациї Смедерева, котре прави серию зо 6:0, и у 36. минуту ма аж єденадвац голи вецей, резултат бул 22:11. Ведоми же вигра забезпечена, у остатнїх 5-6 минут Смедеревчани допущели рукометаром Сивца же з осем постигнутих голох зменша прегру на розумну меру. Найефективнєйши у дружтве Сивца бул Марко Чабаи, хтори постигол 13 голи. Сивац 69 є терка пети на табели зо 16 бодами, а у следующом коле дочекаю Мораву з Велкей Плане.

У 14. колу првенства у Првей лиги за рукометарки дружина Лаки у Црвенки приймала Словен з Руми. Гостї славели победу од 33:23. У першым полочасе, док кед мали снагу, млади црвенски рукометарки пружели порядни отпор физично значно силнєйшому дружству Словена и ту часть хри је гостї виграли з 16:13. Але, дзивчатом у дружстве Лаки у другей части стречи дошла сила, што силнєйши рукометарки Словена хасновали и на концу записали убедлїву победу. По тей поразки дружина Лаки є девета на таблїци з 6 бодами, а у наступуюцом колу знов у Црвенки прийма Руму.

Кошаркаре Хайдука у 6. коле плейофа у Првей сербскей лиги на свойому терену програли од Старей Пазови з 86:85. Хайдук у тим дуелю виступел ослабени, без повредзених Бајића и Тешовића, як и без плеја Јокановића, а стреченє було вельо вирунате, о чим гутори и резултат. Жадна екипа за 40 минути гри нє мала предносц векшу од шейсц поєни, а окреме занимливи було завршенє. На 4,6 секунди пред конец стреченя Хайдук водзел з 85:83. Але гости по тайм-ауту з половини Хайдука вивели лопту и докопали троєчку за минималну победу. Наефективнєйши у екипи Хайдука були Цветићанин з 17 и Маринковић з 16 поєнами. Хайдук тотчас пети на табели плейофа з рахунком шейсц победох и шейсц поразох, а у насцедуюцим коле идзе на гостованє до Новей Пазови.

У дербию 16. кола Першей войводинскей лиги лидери на табели, одбойкаре Гайдука, по девец узастопних победох на гостованю у Новим Саду програли дружини на другей позициї Нови Сад 2 з 3:2 у сетох, а зоз єдним здобутим бодом успели зберегнуц першу позицию. Тренер одбойкарох Гайдука Милорад Лазич наглашує же представена гра була доста нервозна и же його вибраници знали же их чека тешки мац, а причину поразу своєй дружини видзи у тим же млади одбойкаре Гайдука подлєгли притиску важносци стречи и нє були на очекиваней уровни. Перши сет здобули одбойкаре Гайдука з 25:23, наступни два здобули домашнї з 25:13 и 25:17, а четверти сет одбойкаре Гайдука вирешели у свою корист з 25:21, та же тот брек одлучовал о победнїку. У пейтим сете успишнєйши були одбойкаре Нового Саду, здобули го з 15:9 за конєчних 3:2. З 41 здобутим бодом одбойкаре Гайдука веду на премственей табели, а у наступним коле дочекую третепласирану Словену з Руми и тот стреч одлучи хто пойдзе до вишого рангу: до Другей лиги.

Волейбалерки Гайдука у 5. колу першенства у Другей воєводянскей лиги як домакини у Кули победзели екипу Єдинства з Нового Бечея з максималних 3:0 у сетох и та победа их поставела медзи екипи котри буду боєвац за перше место и поступованє до вишого ранґу. У наступним колу волейбалерки Гайдука иду на гостованє до екипи Респект у Ковилю.

Ђ.Боянич