Минули спортски викенд нє бул успешни за наши рукометни колективи

У десятим коле првенства у Супер Б лиги обидва наши представителє, Црвенка и Сивац 69 були гости и з тих гостованьох ше врацаю поражени. Ручкометари Црвенки у дербию кола гостовали у Убу, дзе од домацей екипи Уба програли з 31:30. Пораз болї, бо „верверички“ векшу часц стреченя одграли одлично, перше полугодзе ришели у свою корист з 18:11, мали седем ґолох предносци у 47. минуту, кед резултат бул 27:20, у 56. минуту водзели з 30:27, алє потом домацини искористели хиби ручкометарох Црвенки у нападу и з серию од 4:0 дошлї до победи. Найпре Делибашић направел пробиванє у нападу, потим шут Бошковића застановел голман домацих, а потим Тасић стрелел прек гола. Кажду з тих хибох домацини казнєли голом. Ручкометари Црвенки мали 25 секунди за напад и евентуалне вирунанє, алє Тасић хибел, та так ше радовали домацини. Наефективнєйши у екипи Црвенки були Чабрило и Бошковић з по 8 датих ґолох. Ручкометари Црвенки тотчас треци на табели з 13 бодами, а у последнїм коле єсенного дїла првенства витую екипу Апатина.

Сивац 69 гостовал у Врбасу, дзе го домашнї Врбас Петрола побидзел з 31:23, полчас 16:12. У перших десецох минутох дуел бул уравноважени, што потвердзює и податок же у десецей минуте було 4:4. Потом насцигла серия домашних од 4:0 и тоту предносц зо штирох голох Врбашани успели зберегнуц до одходу на одпочивок. Друге полчас рукометаши Врбаса отворели серию од 3:0, здобули предносц зо седем голох и потом рутинирано удержовали тоту предносц, аж до конєчней победи.

- У нападу нє находзели розришенє за агресивну оборону домачих, робели доста технїчних хибкох котри екипи Врбаса уможлївели „лєгки“ ґоли, и то причина нашого пораза у Врбасу – поведа тренер сивацких рукометарох Бранко Жежељ.

Найефективнєйши у редох Сивца бул капетан Беслац, котри постигол 7 голи. Гандбалери Сивца и далєй послїднї на табели з 4 здобути боди, а у послїднєй коло на єшень буду пред своїма хаснователями мац екипу Спартака зо Суботици.

Обе нашо женски рукометни екипи у остатнїм колє осїнєй часци пременства у Првей лїґи були поражени. Женски рукометни клуб „Круле“ зо Сивца на гостованю у Хртковцох преграл од „Словена“ з Руми 30:29. Рукометарки „Словена“ контроловали утакмицу, мали предносц, у 41. минуту водзели 25:17, алє сивацки рукометарки ше нє предавали, у 52. минуту приходза на ґол заостатку – резултат 26:25 за „Словен“, а потим у ґол-за-ґол грї Румлянки дошли до победи. Найефикаснєйша у екипи „Круле“ була Ядранка Бикицки, котра постигла 9 ґоли. Црвеначки „Лаки“ так само у Хртковцох преграл од водзучей Руми 31:20, полчас 16:9. Було видиме же розлика у квалитету, и фаворит оправдал ту роль. У екипи „Лаки“ по шейсц ґоли постигли Мария Ивич, Анжели Ловре и Тара Докић. Женски рукометни клуб „Круле“ окончил осїню часц пременства на шейсцим месце, а „Лаки“ на седмим, зо по 4 здобутих бодох.

Баскетбалери Гайдука у девятим колу першенства у Першей реґионалней лиги Сербиї – ґрупа Север, у дербию кола победзели екипу Подриня з Мачванскей Митровици з 81:65, полчас 39:27 за вибранїкох Предрага Ногавици. Уж коло половини першого часу баскетбалери Гайдука здобули двоцифрену предносц, повели 13:3 и потом, зоз повременнима осцилациями, дошли до заслуженей и вредней победи. Вредней, бо ше осамосцели на челе табели з рахунком шейсц победох и двох поразкох. Найефективнєйши у екипи Гайдука бул центар Алекса Тешович, котри здобул 26 бодох, а двоцифрени бул и Недєлько Богданович з 11 бодох.

У насампредшим колу кошаркаре Гайдука идзу на гостованє к екипи Ай кам ту плей до Нового Саду.

Обе дружтва Одбоїкарского клуба „Гайдук“ були успишни у седмим колу шампионату.

Одбојкарки Гайдука су у 7. колу першенства у Првей войводянскей лиги ґрупа север на гостованю у Сомбору победзели екипу „Гокс Ин“ з Оџака з 3:0 сетох. Кулянки були доминантни, перши сет достали з 25:18, други з 25:19, а у третім булище убедлїви и тот сет достали з 25:7. Одбојкарки Гайдука су тераз штварте на таблїци з 12 бодами, а у насампредшим колу у Кули приявзаю екипу Спартак 2 з Суботици.

Одбоїкаре Гайдука у 7. колу шампионату у Першей войводянскей лиги, ґрупа виход, на гостованю у Магличу победзели дружтво Маглича з 3:2 у сетох. Победа тим значнєйша, бо одбоїкаре Гайдука першима двома сетами потерпели: перши з 26:24, други з 25:23, а потом услєдовал преобрат. Треци сет одбоїкаре Гайдука ришую у свою корист з 25:17, штверти з 25:19, та у тай-брейку по одличней гре победзели дружтво Маглича з 15:7, за конєчне 3:2 за Гайдук. З 11 здобитих бодох одбоїкаре Гайдука моментално треци на табели, а у наступаюцим колу пред своїма фанушиками прийму Тополу з Бачкей Тополи.

Кегляри Гайдука у деветим коле премства у Першей лиги Сербиї – ґрупа Войводина, як домашнї у Врбасу були поражени од Ядрана з Голубинацох з 6:2 у поєнох, односно 3293:3116 у звалєних кегльох. Пораз нє требе же чудує, бо дружина Ядрана на челю табели, та оправдала позицию лидера у дуели з Кулянами. Поєни Гайдуку донєсли Бранко Вуксан хтори звалєл 583 и Владимир Тришић з 530 звалєнима кегльох. Кегляри Гайдука шицки час девяти на табели з 5 здобутима бодами, а у десетим коле хторе на програму 11. децембра дочекую Славию з Ковачици.

Ђ.Боянич