Прешли спортски викенд бул успишни за клуби з кулскей општини

Гандбалери Црвенки су у 11. колу првенства у АРКУС Суперлиги Србиї осягли першу победу. Успих є тим значнєйши, бо победа осягнута на гостованю у Кикинди, дзе гандбалери Црвенки победзели Кикинду з 26:23. У першой половини стречи була вирівнана борба, нїєдна дружина нє успивала створиц значнєйши роздїлок, алє гандбалери Црвенки на концу першого дїлу були успишнєйши, голами Радонича и Бошковича у 29. минути повели з 12:10 и так найавели, же у Кикинди можу здобуц бодзи. У другей половини вибранїки тренера Владимира Зеяка покрацовали з добру гру и кед у 45. минути голом Тасича повели з 20:16, було ясне же им успих нє може утекнуц. Подля слов тренера Црвенки Владимира Зеяка, одлучела векша жаданка победзиц у його вибранїков, немилосердна гра в оборони и кед ше бори за каждзи лопту, успих нє може хибиц. Найефективнєйши у рядах Црвенки бул Милан Бошкович з 7 голами, алє за гравца стречи проглашени млади бек Црвенки Марко Тасич, котри шейсц рази ше уписал на листу стрилцох. Стретчами єдиногонаестого кола закончена перша часц првенства, котре будзе наставене послїднїх дньох януара, а у 12. колу Црвенка витує дружину Партизан з Београда.

Баскетболисти Гайдука у 11. колу первенства у Первей сербскей лїґи як домацини победзели дружину Сомборского Джокера з 79:73. Бул то вельо занимательни змаганя, бо Гайдук наволал дружину, котра дотад осягла шицки победи. Но, баскетболисти Гайдука нє глєдзели на тот факт, одограли вельо квалитетни змаганя и заслужено на концу славели. Змаганє лєпше зачали гостє, котри у 12. минуту мали 12 бодох предносци, кед водзели з 28:16, алє баскетболисти Гайдука до концу полчасу успели зменшац тоту страту на пейц бодох, бо полчас закончени зоз резултатом 42:37 за Сомборчанох. У другей часци була нємилосердна боротьба и лєм троха вецей як штири минути пред концом баскетболисти Гайдука переймаю ведзенє, резултат бул 69:68, а потим зоз вельо трпеливим и одвичальним способом гри успели го звекшац и осягнуц значну победу. Найефективнши у редох Гайдука бул Огнєн Йоканович з 24 бодами и капітан Зоран Шкрбич, котри здобул 22, алє и шицки остали баскетболисти Гайдука заслужую похвалу за одограну гру. Зоз седем перемогами и чотирома поразами баскетболисти Гайдука треци на табели. Первенство у Первей сербскей лїґи будзе покрачене першого фебруарового викенду насамотного року, а у 12. колу первенства баскетболисти Гайдука гостую у Футогу.

Ђ.Боянич