Славносц Дня Новей Црвенки и Дня србскей єдинки, свободи и националней застави у знаку заєднїцтва и свободи
Прослава Дня Новей Црвенки, а при тим и централна општинска манїфестация обелєжованя Дня сербского єдинства, слободи и националней застави, обелєжена була днесь полаганєм венцох на памятнїк солунским добровольцом и оддаваньом
Святкованє Дня Новей Црвенки, а при тим и централна општинска манифестация обелєжованя Дня сербского єдинства, слободи и националней застави, обелєжена була днесь кладзенєм венцох на памятнїк солунским добровольцом и оддаваньом помени учашнїком у ослободителских войнох од 1912. до 1918. року. У мено општини Кула венац положел председатель општини Дамян Милянич, у сопроводу домацина, председателя Совиту Месней заєднїци Нова Црвенка, Милорада Тунгуза; у мено жительох Новей Црвенки венац положели вдячни потомки солунских добровольцох, а венац положели и члени Здруженя ветеранох жандармериї „Княз Михайло“ з Кули. Поминок солунским добровольцом и основательом Новей Црвенки, з пригодней бесидой, служел старшина храму Святого Сави з Црвенки, отец Милош Петрович. По кладзеню венцох гостом и жителем Новей Црвенки обрацели ше председатель општини Кула и председатель Совиту МЗ Нова Црвенка, а потим члени фолклорного ансамблу Дому култури Црвенка представели културно-уметнїцки програм. Ручок за вшелїх гостох пририхтани у реновираном Дому пензионерох у Новей Црвенки.
З нагоди днешнього празнїка председатель Милянич подчеркнул, же абсолутно логично, же централна манїфестация Дня сербского єдинства, слободи и националней застави у нашой општини будзе праве у Новей Црвенки, з оглядом на то, же солунски добровольци були закладателє Новей Црвенки.
''Новоцрвенчани то проглашели за дзень свойого места, а кед то и державни празнїк, логично же централне дешаванє за нашу општину будзе праве у Новей Црвенки, єдним з наших найменших мест, алє место хторе ма и традицию и єдну слободарску повесц солунских добровольцох, и нагоду обелєжиц и припомнуц ше на тот факт же сербски народ ше вше цеком историї борел за свободу. Ци то була Перша або Друга светова война, ци деведзети роки минулого вику, та и тер аква борба за свободу нашого народу на розличних териториях и то, здава ми ше, и наш осуд. Тот осуд сигурно сполнїме и сигурно же, як и вше цеком историї, перемогнеме'' – повидал Милянич.
Означованє Дня Новей Црвенки будзе докончане вечар концертом за младих хтори зачне у 19 годзини.
