Приправи футболерох на предстояцу сезону

Футбалска сезона за клуби з кулскей општини мала би зачнуц 15. августа. Кажеме, мала би, а чи будзе — будзе зависиц од епидемиолоґийскей ситуациї. Та, як нє як, клуби зводза приправи на наступну сезону, та так минули викенд використали на то, жеби через дружтвени змаганя провели, цо дотераз зробели. Србсколигаш Гайдук 1912 мали би, подля утвердженого розпорядку, одгриц дружтвени сусрет з Текстилцом у Оджацох, котри вино епидемиолоґийскей ситуациї нє бул одограни. Куляни буду мац нову провирку приправености завтра, кед на Вашаришту, од 18 годзини, одограю сусрет з войводинским лигашом Єдинством з Руменки.

Войводински лигаш Черенка у нєдзелю одограла прияцельску стречу з членом Сомборскей подручней лиги Полетом у Сивцу. Стреча закончела без победнїка, бо на концу резултат бул 4:4. Керекеш дал три голи за Черенку, а Латинович єден, медзитим Ромич дал два, а Маркович и Йосович по єден за дружтво Полета. Футбалисти Черенки буду одограц насталю прияцельску стречу заутра, кед буду на своїм терену госциц дружтво Русина з Руского Керестура.

И кед спомянули подручного лигаша з Керестура, Русин у нєдзелю у Руским Керестуре одограл прияцельску стречу з членом Сомборскей медзиопштинскей лиги перши класу Липаром. Липарчани славели победу з 3:0, а голи дали Несторович, Новаков и Джукич з пеналу. Прийдуци викенд футболисти Липара мали би одограц стречу з БСК-ом з Бачкого Брестовца, а сивацки Полет би мал одмериц сили з дружтвом Будучносци з Гложана.

Ђ.Боянич