Наступни спортски викенд означи футбал и гандбал

Фудбалери Гайдука у 26. тури премийства у Сербскей лиги ґрупа Войводина дочекаю дружину 1. май Рума з Руми. По нєубедлївей гри и поразе хтори записали у предходней тури премийства, для фудбалерох Гайдука дуел з дружину з Руми єдна з остатнїх нагодох за дотягованє дружинох зоз штредка таблици, а вше инше би их значно оддалєло од конєчного циля – остат у медзи серболигашами. Фудбалери Гайдука су того свядоми, та наглашую же даду свой максимум же би ше одкупели за нєдобру гру у Нових Бановцох и з вигру звекшали свої шанси у бою за останє. Стречанє фудбалерох Гайдука и 1. май Рума з Руми будзе на стадийону „Милан Среданович“ одогране завтра, а зачне о 17 годзини.

Двайцец пета тура премийства у Сомборскей подручней лиги будзе означена општинским дерби, хторе будзе одогране завтра у Червенки, дзе ше стрекну Червенка и Липар. Червенчани того яря граю у вельми добрей форми, маю предносц домашнього терену и заисто су фаворити. Липарчани, пак, у минулей тури препали на своїм терену, та у Червенки буду хцеци ше одкупиц, што лєм обецує занимаве општинске дерби, хторе завтра на стадийону „Милорад Джомба“ у Червенки зачне о 17 годзини. Русин у Руским Крстуре дочека дружину „Наша звизда“ з Силбаша. Крстурчани з поразом у минулей тури скорей страцили вецей шицки шанси здобуц друге место, хторе би им уможнило бараж за поступ до вишого рангу. Зато треба очековац одвязану гру Русина, неспорна квалитету маю, та треба очековац вигру домашних. Стречанє фудбалерох Русина и Нашей звизди з Силбаша у Руским Крстуре будзе одогране в нєдзелю, а зачне о 17 годзини.

У 22. тури премийства у Сомборскей медзиопштинскей лиги перши розряд дзве дружини з нашого обиску су домаци. Полет у Сивцу дочека дружину Омладинца з Буковца, ришени же би ше одкупели за убедлїви пораз у Оджацох, док Младост у Крушчичу домацин дружини Задруґара з Сербского Милетича. Наш третї представител, дружина Кули иде на гостованє до Омладинца у Деронє. Куляни муша виграц кед хце остати у трци за поступом до вишого рангу. Вшицки тоти стречаня на програму у нєдзелю, а зачну о 17 годзини.

У 20. колу пренства у гандбалней Супер Б лиги обидвома екипом з кулскей општини гостованє. Гандбалери Червенки идза на гостї до Смедерева. Домацина друга на табели, алє без шанси здобуц перше место и пласман до АРКУС Суперлиги; Червенка є сигурна в штредку табели, што указує же обидви екипи можу грац без резултатского притиску, та мож очековац занимлїве змаганє. Змаганє гандбалерох Смедерева и Червенки на програму завтра, а заче у 13 годзин. Сивац 69 гостує Врбас Петролу у Врбасу. Кед ше погляда на положенє екипох на табели, домацина фаворит, алє кедз речь о змаганю екипох котри ше добрe познаю, можни и препачки. Змаганє гандбалерох Врбасу и Сивца буде у Врбасу завтра, а заче у 18 годзин.

Ђ.Боянич