Наступуюци шпортови викенд обелєжи футбал и гандбал

У трецим колу чемпионату у Сербскей лиги ґрупа Войводина футболисти Гайдука на своїм терену у Кули дочекаваю Динамо з Панчева. Куляни успишно зачали сезону вигрову дома и ремизом на гостуюцим терену, гваю добри и цалком розумне же найавю нови успих. Хоч их противнїк Динамо у перших двох колох нє здобул ani бод, то нє смиє завесц футболистох Гайдука, же би до змаганя ступели по системи легко будзе, алє муша дат свойо максимум кед хцу покрацовац успишну серию. Змаганє футболистох Гайдука и Динама з Панчева на стадийону „Милан Среданович“ у Кули буде одогране завтра, а зачне ше у 16 годзини и 30 минутох.

Од трох наших представнїкох у Сомборскей подручноєй лиги, у третей колу першенства лєм Русин ше ше хосци на свойом терену. Крстурчани у недїлю на свойом терену дочекаю дружину Радничкого з Раткова, котра у перших двох колох здобула обидва побиди, цо лєм указує, же Русину нє будзе лєгко дойсц до бодох. Футбалери Црвенки завтра гостую у Каравукову, дзе стретаю ше з Полетом, а наш треци представнїк Липар у недїлю иде до гостох дружини Будучносци у Параґох. И тоти стречи розпочну ше о 16 годзини и 30 минути.

У другим коле першенства у Сомборскей медзиопштинскей лиги први клас Полет у Сивцу дочека дружтво Алекс Шантич, Младосц будзе у Крушчичу гостиц дружтво Дунав з Бачкого Моноштора, док Кула идзе гостювац Задругару у Српски Милетич. Вшитки ти сусрети на програме у нєдзелю, а зачну у 16 годзин и 30 минут.

Кедз рукометни подїйки у питању, у центру позорносци у викенд дни будзе 16. по шореди мемориялни рукометни турнир „Владе и Новак“, котри организує Рукометни клуб „Сивац 69“ на памет своїх двох траґично загинутих членох Влада Џувера и Новака Стиєповича. Попри домацина Сивац 69, на мемориялним турниру наступя супер б лиґаши Црвенка и Врбас, як и прволиґаш Херцеґовац з Ґайдобре. Завтра, першого турнирского дня од 16 годзини стретаю ше Црвенка и Херцеґовац, а по них, од 18 годзини и 30 минути Сивац 69 и Врбас. Поражени у тих стречах у недїлю од 16 годзини одграю дуел за треце место, а побединки так же у недїлю, од 18 годзини и 30 минути у финалней стречи даду одвит на питанє, хто будзе найлєпши учашнїк мемориялного рукометного турнира „Владе и Новак“.

На црвенским ноцним турниру у малим футболу, котри ше гра за наградни фонд од 160 хиляди динари, вчора вечар одограни пейц стречох, а досягнути су тоти резултати: у стречи пионирских дружинох Рудна глава преважела ФК Црвенку зо 8:1. У сеньорскей конкуренциї Малина преважела Пинк Пантер зо 4:2, дружина ММ Гвождара була лепша од дружини Кула 2, преважевши ю тиж так зо 4:2, Клуб малей копанки Гайдук преважел дружину Роштиль Рачетович зо 2:0, а Селтик паб зо 5:3 преважел дружину Ауто делови Ферари. Вечар су на програме шицири стречи. У першей, од 19 годзини и 30 минути, стречу ше пионири Црвенки и Полєта зо Сивца, у другей, од 20 годзини и 15 минути, у сеньорскей конкуренциї стречу ше дружини Роштиль Рачетович и Ауто делови Ферари, потим од 21 годзини дружини Портрет и Пинк Пантер, а од 21 годзини и 50 минути граду Роштиль Рачетович и Ватрос. Организатор црвенского ноцного турнира у малим футболу є Фудбалски клуб „Црвенка“.

Ђ.Боянич