Луткарска представа з Чорней Гори „Зврлетова монодрама„

„Зврлетова монодрама“ представa, у хторей, кед ю видза, дзеци посилаю поруку родичом. Зврле хлопчик, хтори, як и вецей днєшнї дзеци, живе удобнє у своїм окруженю, окружени зоз вшелякими електронскими направами, лєм же го мучи самоц. Кед мама и тато на роботи, Зврле пробує зоз свою фантазию скрацци ту самоц, так же вивельовує домашнї любимци, зоз желаньом дружиц ше з нїма. Але друженє з нїма нє иде так як собе замислєл, аж на концу Зврле заключує же му предси треба праве дружтво и праву любов, а то сестра або брат, або обоє. То кратки опис лялькарскей представи „Зврлетова монодрама“, хтору у штврток, 21.11.2109. року ученики и гражданє Новей Црвенки могли видзиц у виконаню путуюцого едукативного театра з Герцег-Нового. Театар „Шкатула“ гостовал у Новей Црвенки у орґанизациї Дружтва Чорногорцох, а виконанє представи помогол Покраїнски секретарият за образованє, прописи, управу и национални меншини АП Войводина. Представа зробена по тексту Тодета Николетича, а режију, ляльки и музику зробел Зоран Милошакович; учасник представи глумець Желко Вавич. У пяток, 22. новембра од 09:30 и 12:00 представу буду моц видзиц и ученики у Црвенки.