Пораз Црвенчанох у Бачкей Паланки

Футбалєри Гайдука у пейтим колу чемпионату Србскей лїґи ґрупа Войводина записали трецу узастопну поразу. Вибраники тренера Зорана Ћирића на гостованю у Сакулих препали од Борца з 2:1, и ґу тому повели голом младого Илиї Йовановића. По тей порази футбалєри Гайдука єстеми на табели з 6 здобутих бодох, а у насамедшим колу пред своїми виячами дочекаю екипу Радничкого з Зренянина.

Неуспишни були и футболари Црвенки, котри у пейтим коле пренства у Войводянскей лиги, ґрупа север, на гостованю у Бачкей Паланки програли од домацей Старого Ґрада зо 6:0. Убедлїва програш найяснєйше гвари о одношеню сил на терену и о хибним виступу футболарох з Црвенки. Црвенка тераз тринадца на таблїци зо 4 здобутима бодами, а гостує и у шостим коле пренства, кед у Пачире одмера сили з дружтвом Бачки.

Дебит Драгутина Божовича на лавки Русина обзначел убедлїви виграш його вибраних грачох. Точнєйше, у 5. колу першенства у Сомборскей подручней лиги футбалери Русина у Руским Крстуре победзели Войводину з Товаришева з 4:0. Противнїка з евроголом зоз свободного ударца «отворел» Бранкович, а потим Деян Будински з двома голами и Деян Давидович з голом з пенала допринєсли убедлївому виграшу Русина. Футбалери Русина шицки час девети на таблици з 7 бодами, а у шестим колу першенства пойду гостювац к дружтву БСК-а до Бачкого Брестовца.

Пейте коло пренства у Сомборскей медзиопштинскей лиги першого класа ознаменовало општинске дерби одграте у Липаре, у котрим домаци — футболари Липара — победзели дружтво Полета з Сивца зо 3:0. Голї за Липар дали Лазич, Жарич и Зракич. Кула на гостованю у Бачким Ґрачцу програла од домацей дружтву Борца зо 5:1, як и наш шорти представнїк Младосц з Крушчича, котра у Србским Милетичу програла од Задругара зо 5:1. Полет тераз седми, а Кула осма, обидва зо 7 бодами, медзитим Липар девети, а Младосц десета на таблїци, обидва зо шейсц бодами. У наступним коле Младосц у Крушчичу дочека ведущого Омладинца з Деронєх, Кула буде домацин Алекси Шантичу, Полет у Сивцу будзе домацин Борцу з Бачкого Ґрачца, а Липар идзе на гостованє Задругару до Србского Милетича.

Ђ.Боянич