-Нєт лепшого места од Новей Црвенки за тоту свечитосц. Нова Црвенка-солунске место, место хторе настало вшмикованєм борцох з Першей шветовей войни, хтори участвовали у пролому Солунского фронту. Тиж, то порука же нєт малого места, нєт ани єдного човека, ани єдного малого места хторе будзе забуте, ани з боку општини, ани з боку держави, повел председатель Милянич.

Запис малих дзеци до Предшколскей установи „Бамби“ Кула зачина 25. мая и будзе траяц до 5. юна, ознамюю з тей установи. Родичи маю можлївосц потребну документацию оддац школи особно або електронски, што є новина од того року, повідала директорка „Бамбия“ Снежана Булатович. Запис, як и по дотерашньому, организовани у вшитких населених местох, з тим же водзене рахунку о актуалней епидемиолошкей ситуациї, та запис организовани у обєктох у котрих дзеци тераз нє пребиваю. Таксамо, поступок конкурованя прек еУправу, односно еВрток, є велї дзековити, истакла директорка Булатович, напомнуца же родичи котри ше улогує прек свойого налогу доставаю вшитки информациї у вязи з поступком подношеня жадованя. Родичи тримаю слїдовац упутствия и процедури, бо єсту категории до котрих припадаю чутлїви ґрупи дзеци за котри потребна додаткова документация. Список документациї потребней за запис є доста дуги, а то цо потребне за вшитки дзеци то витяг з матичней кнїги народзених и потвердзенє о роботно-правним статусу родичох. Остала документация зависна од того о котрей ґрупи дзеци ше дзеє. Конкурс трає два тижнї, по чим Централна записова комися документацию препатри и у складу з важацим Правилнїком дзеци буду бодовани и ранґовани. -Последнїх нєшкаґодох, и за хаснованє просторних капацитетох и за ограничени число замешканих, нє можеме приняц вшитки дзеци. И тоти рок, таксамо, розмишляме о тим проблеме и пробуєме найсц ришенє, жебисме записали чим вечей дзеци. Напомнуєм же и през рок организуєме запис на вшитки вольни места, бо кед ше стане же хтось одпише з ранґ-листи, записуєме дзеци котри нє успели записац ше у першім кругу, повідала директорка Булатович. По знїманю надзвичайного стану ПУ „Бамби“ 11. мая отворела свої врата малим дзеци, котрих обидва родичи муша идз на роботу. Тераз до школи ходзи коло стотки малих дзеци, а є можлївосц же у наступним периодзе, односно у другей фазе, и дзеци котри нє припадаю до спомянутей ґрупи буду моц ходзиц до школи. -Робота организована подля строґо прописаних правилох и инструкций Кризового штабу. У тих условйох и при актуалних мерьох нє є баш лєгко робиц, алє з просторнима капацитетами и анґажованьом вшитких замешканих успели зосвим додержиц вшитки препоручени мери и з тим числом дзеци, коло 25 проценти зоз вшитких записаних, у вшитких шейсцох населених местох, успели прилагодзиц роботу ситуациї у котрей ше находзиме. Єдине цо велї тяжко зробиц то социялне дистанцованє дзеци, алє и то нам вишло, кедземе робиц з меншим числом малих дзеци, а воспитачки су велї професионалци и прек гри и других активносцох успеваме обезпечиц дистанцу. Таким способом нє турбуєме ше лєм о здравю дзеци, алє и о їх добробити, жебу ше добре чули, жебу им ту було приємно и жебу школа була то цо би тримала буц. Кром сайта www.pubambi-kula.com и електронскей пошти [email protected], родичи вецей информаций о запису можу достац и телефоном 722-139. Текст конкурсу и осталу документацию вязану за запис можеце пречитац у наставку, под текстом. Конкурс за запис дзеци до ПУ ”Бамби” Кула за роботни 2020/2021. рок Конкурс за запис дзеци до ПУ ”Бамби” Кула за школски 2020/2021. рок (по мадярски) Конкурс за запис дїтей до ПУ „Бамби” Кула за робочу 2020/2021. рок (у руским язику) Жадованє за виписованє з ПУ ”Бамби” Кула Жадосц за преход з єдней виховней ґрупи до другой Документи потребни за упис Правилнїк о условийох за приям, запис, пребиванє и виписованє дзецох ПУ ”Бамби” Кула