Зачина ше ярна часц суперлїгашкого гандбальского першенства

Спортски викенд будзе одзначени зоз початком ярого часу рукометного првенства Супер лиги, а уж у першым колу дерби. Наиме, у 12. колу првенства у Супер Б лиги рукометари Сивца гостую у Богатичу, дзе ше стретаю з Мачвом. Тота стретнуце є дерби кола, бо Мачва є на другим месце, а Сивац 69 на трецим, з лєм єдним бодом заостатку за водзицельом Юговичом.

У табору сивацкого суперлиґаша су свесни тяжкосци зостреченя, знаю же домашнї бу дзеци хасновац предносц домашнього терену, алє истакую же даду вше од себе, жебы потвердзели свою файну єшеню верзию. Зостреченє рукометарох Мачви и Сивца будзе у Богатичу одогране у нєдзелю, а почнє ше у 19 годзин и 30 минут. Наш другий суперлиґаш, рукометари Црвенки, у першым колу пролїтней часци првенства вольни, бо мали грац зостреченє з екипу Пожаревца, алє Пожаревчани випатали зоз такмиченя.

Того викенда на програму 16. коло кошаркарского првенства.

Баскетболисти Гайдука мали у 16. колї првенства у Првей сербскей лиги гостёвац у Ветернїку и одмерац сили з дружином Младосц Ветернїк, алє домаци одступели зоз змаганя, так же баскетболисти Гайдука можу на мира припремовац ше на насамши стреч, кед у Кули у 17. колї дочекаю Слободу з Нового Саду.

У 16. колу першенства у Другей сербийскей лиги кошаркаре Сивца дочекаю дружину Беочина. Йдзе о змаганє дружинох зоз штредка табели, а Сивчане вирую же можу виужиц предносц домашнього терену. Змаганє кошаркарох Сивца и Беочина у сивацкей гали будзе одогране у нєдзелю, а почнє ше у 17 годзини.

Кугляри Гайдука у 15. колї првенства у Првей лиги Србиї – ґрупа Войводина дочекаю дружину Вихор з Сомбора. Кульчаном потребна победа у борби за опстанок у лиги. Дуель куглярох Гайдука и Вихора з Сомбора будзе у куглярнї у Врбасу одограни у нєдзелю, а зачне ше у 16 годзин.

Ђ.Боянич