Почина нова сезона Околинскей лиги

Того викенду зачина першенство у Сомборскей подручней лиги, у хторей з кулскей общини змага ше шест клуби: „Гайдук юниор“ и „Кула“ з Кули, „Црвенка“, „Младост“ з Крушчича, „Русин“ з Русского Крстура и „Липар“. Жриб розришел же перше коло першенства буду характиризовац два общински дерби: завтра у Црвенки ше зийду „Црвенка“ и „Младост“ з Крушчича, а у недїлю у Липару „Липар“ и „Гайдук юниор“. „Русин“ з Русского Крстура завтра гостує у Товаришеве, дзе ше зийдзе з „Войводину“, а „Кула“ у недїлю гостує у Бачкей Паланки, дзе помери сили з екипу „Стари град“. Вшицки тоти змаганя зачинаю о 17 годзини.

Основна питанка котре ше наметує пред стартом першенства у Сомборскей околинскей лиги є з якей силоцою нашо клуби входза до змаганя. Зда ше, же найвецей здобул «Хайдук юниор». До того клуба пришли Янко Кулич з «Русина», голман Предраг Бркич з «Кули», Дражен Веселинович з «БСК»-а з Бачкого Брестовца, Милян Ђођич з «Кули», Неманя Майкич з «Црвенки», Марко Савич, котри до «Хайдука юниора» приходзи з «БСК»-а з Бачкого Брестовца, инакше Кулянин, а з Бачкей Тополи вернулись два младши гравчи Стоянов и Дринич. «Хайдук юниор» опущели Вуймилович, котри одишол до «Оджакох», Кузманович, як и голман Калинич, котри одишол до роботи до иностранства. Добру роботу зробело и клюбне руководство «Црвенки», новачка у Околинскей лиги. До «Црвенки» пришли: Йован и Милош Радманович, як и Павле Перович з «Задругара» з Србского Милетича, голман Ђуришич з сивацкого «Полета», Филип Фачол з «Слоги» з Чоноплї, а з «Русина» вернули ше Ненад Кончар и Неманя Ивич. «Црвенку» опущели младши Лука Йовович, котри одишол до «Оджакох», ветеран Предраг Кишюхас, котри ше вернул до «Младосци» з Крушчича, Неманя Майкич, котри прешол до «Хайдука юниора», и Филип Вуїчич, котри одишол до «Задругара» з Србского Милетича. Реди «Младосци» з Крушчича, попри спомянутого Кишюхаса, посилели Комазец и Максимович, котри приходза з сивацкого «Полета», Тошич з Кули, Крстович з савиноселскей «Будучносци» и «Єркович» з Црвенки. «Младосц» опущел Фекете, котри прешол до «Русина» у Руским Крстуре, и нападнико Райо Йованович, котри прешол до новосадскей «Славиї». Треба повесц, же Фекете єдине нове лице у «Русину» з Руского Крстура, котри у прелазним термину опущели Кончар и Ивич, котри одошли до «Црвенки», и Кулич, котри прешол до «Хайдука юниора». Кед ше говори о «Кули», реди новачка у Околинскей лиги посилел Жарич, котри пришол з «Липара», як и голман Яничич; Дражич пришол з Панониї, Новакович з Клуба малей копанкарскей «Летаци Голанђанин» з Врбаса, Янчевски з «Хайдука юниора» и Шарац, котри ше опоравел од повреди. «Кулу» опущели голман Бркич и штопер Ђођич, котри одошли до «Хайдука юниора», як и Полич, котри прешол до «Липара». Попри Поличу, «Липар» посилел и Деян Мартин, котри пришол з Панониї, медзим тим реди «Липара» опущели Жарич, котри прешол до «Кули», Пеянович, котри ше вернул до сивацкого «Полета», як и Чвокич. Гоч ше судзи по прелазним термину, видне же найамбициознєйше го одробели у «Хайдуку юниору» и «Црвенки», та нє чудує, же з тих двох клубох приходза найави, же ше покуша нападнуц врх табели и обезпечиц место у вишим рангу. Першенство покаже, наколко тей найави були основани.

Ђ.Боянич