Зачала сезона

Зачала ше футбалска сезона за клуби з кулскей општини, котри змагаю ше у Сербскей, Войводинскей и Сомборскей подручней лиги.

У премиєрним сусрити Србскей лиги ґрупа Войводина Гайдук 1912 гостовал у Србобрану, дзе з дружину Србобрану играл неришено 0:0. Кульчани мали веєй од гри, кельо одличних шанси, трефену и стативу, алє лапта нє хцела до голу. У вредуюцим коле Гайдук 1912 прийма Младосц з Бачкого Ярку.

Новачик у Войводянскей лиги ґрупа север – дружтво Црвенки у першім колу першенства гостовало у Байши, дзе було поражене од домашнєй Байши з 2:0. Очевидци кажу же Црвенка грала, творела шанци, а домашнї скористел два кикси заднєй линиї Црвенки и дал голи. У другим часу абсолутна доминация Црвенки, домашнї нє упутовал анї єден шут ку голу гостий, алє цо то вартує кед Црвенка свою доминантнєйшу игру нє крунисала голами. У наступним колу Црвенка домаци дружтво Раднички 1912 з Сомбора.

Перше коло першенства у Сомборскей окружней лиги було успишне за клуби з кулскей општини, бо здобути дзешки и два ремизи. Ценну победу здобули футболери Липара, котри на гостованю у Кулпину победзели домацих Кулпин з 3:1. Два голи за Липар дал Жарић, а гол дал и Чвокић. Русин у Руским Крстуре победзел дружину Крила Крајини з Бачкей Паланки з 1:0. Гол за победу у средзини другого полувремена дал Дражен Веселиновић. Кула на Гедеру з Тврђавом з Бача грала нерешено 0:0, а и новачок у Окружней лиги Полет з Сивца здобул бод. Сивчани пред своїма фанушиками з дружину Будућности з Парага грали нерешено 1:1. Гости повели у раней фазе стречи, а искусни Ромић у средзини другого полувремена голом здобул бод за Полет. У насампредуюцим колу Липар витує дружину Војводини з Товаришева, Русин идзе на гостованє до Радничкого у Раткове, Кула у Пивницох зозходзи ше зоз Славию, а сивацки Полет гостує у Тврђави у Бачу.  

Ђ.Боянич